發佈時間：19:16 2025-02-21
港島區名校華仁書院，昨日是105周年開放日，份屬校友的「中一生」羅啟豪（Ramon），獲邀為橫跨53屆校友演出的Talent Show（才藝表演）作壓軸表演嘉賓。而是次活動，同為「相信 相信羅啟豪 Believe in Ramon Lo Busking Tour 之第九站灣仔區」，Ramon為觀眾帶來個人單曲《相信 相信》及同校師兄李克勤的代表作《紅日》，加上同場有師弟余德丞擔任司儀，氣氛非常熱鬧，Ramon更大爆求學時期趣事，話自己成績唔夠突出係有原因㗎！
校呔陪伴走遍千山萬水
當日羅啟豪特意佩戴中一開學時購買的校呔，他憶述：「呢條校呔係29年前買嘅，由香港跟我去英國完成中學，然後又去美國住咗幾個城市，之後再返英國，直至因唱歌比賽回流返香港，真正陪我走遍千山萬水。」可看出啟豪對母校確有深厚感情。
羅啟豪爆成績唔突出有原因
羅啟豪一回到母校，他留意到校園有許多重新配置之處，他笑言：「以前籃球場係冇圍欄嘅，我間課室又喺正籃球場隔籬，所以成日有籃球碌入嚟，我哋日日都要執起擲返出去，可能就係因為咁，𠵱家就加咗圍欄喇！」他更幽默地補充說：「所以如果我哋嗰班成績差過其他班，都要體諒吓喇！」羅啟豪自嘲雖然他的整體成績不算突出，但也曾考獲地理科第一名。
緬懷恩師兼感謝學校栽培
分享完校園軼事，Ramon藉此向曾教導他的老師致敬，特別是剛離世的李Sir，他表示李Sir會一直長留心中。同時他亦感謝母校一直幫助學生發揮潛能：「好多出自華仁嘅師兄弟都能好好發揮自己，包括大家都熟悉嘅李克勤師兄！」說罷，Ramon唱出李克勤的《紅日》，全場觀眾即時投入大合唱，將氣氛推至高峰。表演結束後，眾多師兄弟及其家屬紛紛與Ramon合照，他亦來者不拒。
羅啟豪即將推出新單曲
另外，校方特意為羅啟豪歌迷會預留當日校慶的門票，讓羅啟豪歌迷（暱稱為豪殼）能參觀校舍及欣賞Ramon的演出，豪殼亦為現場增添不少熱鬧氣氛！提到豪殼，歌迷會為羅啟豪策劃的十八區Busking Tour，轉眼間已完成了一半，Ramon亦感觸表示，第九站是整個項目的重要里程碑，慶幸此站能在自己母校舉行。他還透露，十分期待餘下的場次，並希望順勢為自己即將推出的單曲《還未分享的歌單》進行宣傳。
延伸內容： 《羅啟豪冬日約會迷你市集》揭幕 羅啟豪感激旦哥撐場 歌迷精心籌備
延伸內容：香港潮州節開幕首日︱ 羅啟豪唱歌助慶 初嘗潮州美食歎難忘
延伸內容：Busking Tour︱ 羅啟豪計劃唱勻十八區 第五站變成小動物天地
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
即睇：林盛斌Bob曾當選「我最討厭藝人」冠軍，被踩是垃圾 正能量反省：我做錯咗咩嘢？
即睇：李珊珊罕談舊愛錢嘉樂 剖白患驚恐症瀕死感覺 : 我會活好呢一生!
