發佈時間：14:37 2025-02-15
泳兒（Vincy）早前幫江若琳（Elanne）拍攝情人節短片，為她製造情人節驚喜給老公蕭唯展（Oscar）。原來兩人夾計搞個驚喜Camping，營地不但掛了多張Elanne跟Oscar及一家三口的合照，佈置得浪漫又溫馨，而且還炮製了Oscar喜歡吃的臘味糯米飯和蛇羹，一邊食一邊睇一家三口的短片，看到兩公婆眼濕濕，連Vincy見到都感動到喊埋一份，壓軸好戲當然是Elanne和Oscar兩人1歲的兒子Owen出場啦！
兩女約出嚟開會傾細節
炮製驚喜前，Vincy跟Elanne特別約出來開會，Vincy想先了解Oscar的習性。而大部分女生多少都着重儀式感，但Elanne偏偏是「零儀式感」，她指老公Oscar同樣都冇，Vincy即十分驚訝：「你唔會嬲㗎？」Elanne坦言：「少嬲囉，把口講話：『唔嬲、唔使啦！』心裏面就反晒眼。拍拖頭一年就有嘅，哈哈！之後就冇啦！」
Vincy追問她喜歡Oscar甚麼？Elanne指喜歡他夠現實，「佢好踏實嘅，佢嗰啲浪漫同埋情趣係得我一個人會明白，所以佢應該溝唔到其他女人嘅，哈哈！情人節我哋都冇Plan㗎！」然後Vincy開始諗Oscar會否猜到驚喜，Elanne即笑說：「佢係唔醒目，因為佢係知道我從來都唔會做任何嘢，以佢嘅智商，應該係諗唔到嘅。」
Elanne露出馬腳Oscar估到
當一切準備就緒，原來驚喜是Camping，Elanne與Vincy在營地上掛了多張Elanne與Oscar及一家三口的合照，再加上燈飾，既溫馨又浪漫，她們還一齊煮了Oscar喜歡吃的臘味糯米飯和蛇羹。當Oscar到達營地見到Vincy時，平淡地說：「喂！好耐冇見喎！」原來較早前Elanne已露出馬腳，因Oscar問她當日有甚麼工作時，她一時話拍賀年訪問、一時又說要回公司開會。
Oscar指寒冷天氣警報最難忘
當Vincy回到露營車上跟Elanne準備糯米飯時，獨留在外的Oscar說：「呢啲環境我懷疑個仔已經出現埋喇喎，好嘢呀，今日啱啱係最凍，出咗呢個寒冷天氣警報，畀咗呢個驚喜先係最難忘。」隨後，Vincy跟Elanne送上糯米飯及蛇羹，又播出他們一家三口的短片，三人看到眼濕濕，Vincy見Elanne喊出來，自己也忍不住喊了起來，最後更帶來二人1歲的兒子Owen，驚喜又圓滿。
Vincy與情人食飯最浪漫
問到Vincy籌備這個企劃原因，她指雖然自己並非典型的Sweet女生，但卻是一個喜歡給朋友或另一半驚喜的人，「我係一個行動型嘅女朋友，所以今次都想將我呢個好鍾意畀Surprise人嘅喜好，送畀一啲圈中嘅情侶好友。」
播片時，Vincy也喊埋一份，她稱：「我係一個好容易被人感染嘅人，同埋條片個Background Music係我首新歌《無糖可樂》，聽番原來係有咁大威力，夾落去一啲溫馨嘅畫面度，我覺得成件事係好觸動到我。」
問到今年情人節點過時，她續說：「就係喺公司間Concept Store唱歌，然後返屋企二人世界。我覺得最浪漫嘅情人節就係兩個人一齊過，做乜都冇所謂，唔一定要一啲好天花龍鳳嘅驚喜，其實一齊食餐飯已經好浪漫。」
延伸內容：楊受成與英皇藝人團拜搞抽獎哄動 歐陽震華加盟半年感刺激 泳兒派利是用「無糖可樂」祝酒
《東周網》訪談系列節目《星桄伴我心》2月重磅嘉賓：
即睇：七仙羽被鬧神棍 爆喊剖白被欺凌 : 個個都笑我騎呢！
