發佈時間：21:42 2024-01-12
近日，電影公司宣佈拍《一路向西》續集，並由youtuber轉型成為首位港產日本AV女優素海霖（繪麗奈）做女主角。
《一路向西2東京AV攻略》將於今年3月開拍，先在日本東京實地拍攝，戲中「Henry」和「睿少」兩位男主角，亦會隨隊赴日開工，第二階段拍攝工作將在港進行。據知仲會同三上悠亞、波多野結衣、相澤南、村上悠華幾位AV女優合演。至於上一集《向西》嘅男主角張建聲亦繼續有份。
電影公司日前宣布為電影5個角色進行招募，當中有2位係男主角，講明需要裸露，分別是可愛內斂嘅Henry同埋風趣幽默衝動仔睿少，而Henry一角即是片中素海霖的男友，相信會吸引不少繪麗奈的粉絲報名和試鏡。另外電影仲徵求2位睇落似廿幾歲嘅女配角，分別係要求身材有返咁上下嘅子慧；同埋青春可人嘅Kiki，2位女角都唔使裸露。最爆同令人最期待就係男配角「爺爺」，年齡要有75－85歲，角色設定係老婆奴，而且要有少量裸露！
想裸露的朋友，即日至本月18日可報名，2日後進行試鏡，會由素海霖及導演鄭峰嵐親自負責揀人。被問及揀「男友」的準則，素海霖表示唔會單睇外表，笑說自己比較鍾意一啲成熟穩重嘅男士，戴眼鏡仲會加分，而最重要畀係到安全感佢，同令佢開心。
《一路向西》係中國3D數碼娛樂有限公司一二年九月出品的香港三級片，改編自高登討論區會員向西村上春樹的網絡小說《東莞的森林》。
講返中國創意數碼娛樂，2011年起投資拍攝電影，作品包括黃子華《棟篤特工》、張智霖《十月初五的月光》、鄭欣宜和周秀娜合演的《29+1》、王祖藍和許冠文《Delete愛人》、《導火新聞線》，以及三級片《3D肉蒲團之極樂寶鑑》和《一路向西》等。
至於電影公司主席，係曾經多次傳出財困的蕭若元兒子蕭定一，蕭定一家族持有的一輛七人車，曾遭兩名黑衣男淋紅油，而旗下公司早前遭追債被頒令清盤。蕭定一前年已被Capital Union Inc提出破產呈請，去年十一月底再遭另一公司申請破產。根據司法機構網頁，破產呈請排期於2024年1月23日處理。蕭定一近日亦廣發招募角色予一眾好友，幫手素海霖搵仔仔。
