發佈時間：17:59 2026-01-12
貴金屬仍是2026年投資熱話之一，金價、銀價繼續go go go ，收金店好月色上周五賣一噸白銀條，即是有一千條1kg賀利氏銀條發售，由於大廠已經不接受新訂單，加上1kg銀由去年初約$8000已升至現時逾$20500，雖然每人限買五條，仍吸引不少市民晨早拎櫈仔排隊購買，最後一日內全數沽清。
至今天早上好月色民師傅就在群組公告提醒大家「短炒」獲利，「星期五買咗銀嘅人，可以賣返畀我啦，1kg賺咗$400，幫你哋計埋。」翻查資料，上星期五好月色賣1公斤銀條價格為$20305，今日銀回收價為$735，短短兩日(星期日休市)已速賺四百元，買盡五條限額的散戶，最多賺二千元。
本周一飾銀回收價為$380
另外，有港女亦發現新大陸，終於搵到地方放賣家中舊款的Pandora銀飾，得知好月色收銀後，網民分享稱：「一堆洗壞咗嘅 Pandora，同埋斷咗扣，好舊宜家唔鍾意唔再戴嘅銀飾物，以為冇咩價值，好彩冇丟落垃圾桶！原來都可以放，雖然銀同金價差好遠，收返小小錢都好呀? 」
隨即獲不少港女認同讚好，家中有不少舊款Pandora 、Tiffany、links of london等，都終於有出路 : 「估唔到銀都有人收，仲Pandora都收，感謝資訊。」、「Pandora真係時代眼淚喺屋企擺到黑曬，終於搵到Solution 」、「多謝你呢個post?，細個買埋買埋好多而家都唔會帶 可以變返錢了」、「睇咗咁多留言，原來咁多人都有Pandora, 仲要都係想賣。」見群情洶湧，好月色在公告上加回飾銀回收價為$380，因為999.5銀回收價才是775，不足的會按銀比例而調整回收價。
OL後悔當年只追款 不懂買金
網民亦同時自我反省，因當年非常沉迷購買Links of London，「價錢不平，仲要追款，當年用來買金就發達了。」Links of London創立於1990年，於2006年以5千萬英鎊售予希臘品牌Folli Follie。公司在2019年3月已出現財政危機，至同年7月，Folli Follie被揭發報大2017年年度收入預算逾10億歐元，Folli Follie隨即在雅典證券交易所停牌，最終被罰款逾2千萬歐元。至2020年6月左右，本港OL至愛首飾品牌Links of London全線結業，品牌曾在中環太子大廈、中環IFC、圓方及金鐘太古廣場等甲級商場設立專門店，同系希臘銀飾品牌Folli Follie亦清盤撤出香港。
排隊買金片
金價再創新高，升穿4,600美元一盎司。市民購買力並沒有減低，越升越買，周生生剛過去周六發售限量版「HELLO KITTY 壓歲金片連枕袋禮盒」，內有Hello Kitty金片，成功捉緊年輕一代對「輕黃金」的熱愛，隨即引發粉絲與年輕一族瘋搶。
