更新時間：18:44 2025-05-30
發佈時間：18:44 2025-05-30
發佈時間：18:44 2025-05-30
講開廚餘回收，餐飲業過往真係「懶懶閒」，一來分類成本高，二來香港天氣「翳焗」到爆，廚餘好快「變餿」發臭惹蟲，搞到周街污糟邋遢！計過條數冇着數，好多餐廳索性「一嘢掉咗佢」，費事煩！
但係本地餐飲龍頭美心一直將『惜』食文化落實在集團的日常營運中，好似利用美心收集剩餘麵包、麵包皮和咖啡渣釀製手工啤酒BOB；又夥拍本地農場「鴻日農莊」將餐前廚餘轉化為酵素，生產優質農產品等轉廢為材。
合辦料理賽鼓勵「惜食」
今次美心集團同港燈合辦「你真惜食！」x「綠得開心計劃」創意料理大賽，鼓勵全民發揮創意，在烹煮過程中充分利用食材及將剩餘食材轉化為美味又新穎的菜式，推動社區的「惜食」文化及源頭減廢，「夠晒得意」！唔再死板諗「點收」，反而諗「點用」，實行搞個創意廚神大賽，結果點？唔單止煮到「好好味」，仲俾成個行業同市民睇到：環保，原來可以咁好玩、咁有計！
比賽設有四個組別，包括「親子組」、「中學組」、「大專組」及「公開組」，鼓勵全港市民運用無限創意，設計原創食譜，充份利用食材及賦予剩食第二生命。評審團將根據食譜的原創性、菜式的味道和賣相，以及減少廚餘的效益等標準進行評分。獲獎者不僅可獲得豐富的飲食、購物禮券，其作品更有機會被收錄於「你真惜食！」x「綠得開心計劃」創意料理電子烹飪書中，供市民免費參考，進一步推廣惜食減廢理念及實踐源頭減廢。
最Hit
