一齣電影，耗資四億，拍畢七年幾，一直未上畫，變成都市傳說，幾乎以為這齣《風林火山》會變成死火山，不知何時才見天人。
千呼萬喚，終於在一沉百踩中上映，先是在康城影展獲得劣評如潮，再傳金城武跟麥浚龍不和，不願補拍；還有傳任賢齊不滿戲中被吊頸一幕，幾乎假戲真做，差點鬧出人命；更甚是電影嚴重超支，拍了接近7小時的版本，結果剪接得支離破碎，夾硬濃縮成125分鐘的戲院版，令不少角色失去靈魂，上文不接下理，電影被彈得一文不值，大量觀眾鬧爆唔知拍乜。
正因如此，反成為熱話，不少觀眾都抱着一個好奇心態入場，就係想睇吓麥浚龍到底拍得有幾差，我正是其中一人。
電影一開場，用了超過1分鐘字幕，去闡述故事背景，你可能會覺得離譜，質疑麥浚龍是否功力未夠，但你又可知否，這段襯托字幕的背景音樂，正是日本音樂大師坂本龍一的遺作，其實是麥浚龍特別向大師致敬的心意。
當鏡頭一開，金城武睡在擺放於隧道行車線的大床，有先聲奪人之勢，然後他推開隧道側門，走進另一個疑似在IFC對出的科幻世界，沖一杯咖啡……這個序幕，金城武夠型，電影開得好！
然後是官能刺激的滿足，在惠州搭出1:1的銅鑼灣鬧市場景，展開連場槍戰，槍林彈雨，子彈亂飛，汽車炸完一架又一架，殺啊殺！射啊射！再加上電腦效果的白雪紛飛，襯托滿地血流，真係唔錯嘅大場面喎！
若然未夠喉，之後再加一幕山林搶貨的追逐槍戰，除了重火力軍火，還加插弓箭狙擊手，令廝殺畫面添上新意。
電影中的串星，可謂星光熠熠，甚具戲味，演技精湛得揮灑自如，當中的不少對白可堪細味，看得出用心雕琢過。
例如講流利粗口的鮑起靜，捉着古天樂的手，明知他此去凶多吉少，也不捨地挽留說：「坐多陣啦！」而盧海鵬早料相交多年的人準備殺他，他豁然告訴對方：「一陣你落手要快啲準啲，我唔想辛苦！」
還有高圓圓知道金城武去見杜德偉會有凶險，幽幽說了「早去早回」四個字，道盡內心擔憂，也明白人在江湖路，不能回頭了。
雖然不少觀眾看完電影之後，大踩劇情雜亂無章，但我又睇得明喎！劉青雲因為貪而留不到自己條命；古天樂因為承諾，還返條命俾人；杜德偉出場時間少，但一身紋身和滿面鬍鬚，癲狂演繹令人印象深刻。
角色造型係靚人靚衫嘅，演員卡士係勁嘅，鏡頭角度係唯美兼有王家衛色彩嘅，結局用酒吧倒敍一幕係有味道嘅。真心講，《風林火山》並不像大家口誅筆伐般咁差，加上電影市道陷於寒冬，真係值得入場欣賞喎！
