作為「溝女界KOL」， 58歲的鄧兆尊（Johnny），情路上一王四后的戰績，令他品評男歡女愛的公信力，一直高企，口碑傳頌，難怪被人封為「Johnny 嗒」。
他近日上了吳家樂的網台節目《娛樂好好玩》，擔任客席嘉賓，就大爆有一位女星，曾經同時周旋在六位富豪之間，引起全城熱話，齊齊去猜猜她到底是誰？
話說這位女星一時不慎懷孕，當然弄不清誰是經手人，在迷惘之際，便向「Johnny 嗒」請教：「點算呀？我應該同邊個攤牌好呢？」
「Johnny 嗒」好言相勸：「呢啲冇得攤牌，你同時期有六個男人喎！你唔好諗住漁翁撒網。」
吖！不到你不服！這位女星真的夠膽同時向六位富豪表示大了肚，但人人都不肯認頭，結果每人各自畀了一百萬去解決，女星就一次過袋了六百萬 ，未婚生子，從此當起單親媽媽。
「Johnny 嗒」深明花生友的八卦心態，大方地提供了八個線索，讓大家去猜猜估估，包括：1）姓氏是「陳、李、張、黃、何」之一；2）不是香港小姐出身；3）未婚產子；4）身材好；5）與他同年代；6）曾與吳家樂拍劇；7）拍古裝多過時裝；8）現在遊走中港兩邊工作。
他再爆那位女星曾自誇床上功夫：「冇男人可以喺我胯下捱到15分鐘！」嘩！貼士咁多，在網友們抽絲剝繭下，篩選出最大嫌疑的最後五強：陳秀珠、張慧儀、李若彤、何美鈿和楊思琦。不過雖然楊思琦是未婚誕女，但由於是港姐冠軍，所以兆尊直言不是她。
至於張慧儀雖然形象性感狂野，容易令人想入非非，但她的兒子自稱是領養的，不是親生喎！網友卻隨即刮出《真情》的第1085集劇情：「彩瑤（張慧儀）個仔其實係佢親生嘅！」
而「小龍女」李若彤近年在內地發展，曾被拍得拖着一名小女孩到中環睇醫生，她聲稱是姨甥女，但二人貌似餅印，惹人聯想。
陳秀珠41歲時被揭未婚產子，生父成謎。她先後跟鄧兆尊合拍時裝版《皆大歡喜》和1999年的《千里姻緣兜錯圈》，也和吳家樂合作過2018年的《BB來了》，但她在80年代已出道，不是兆尊所指的同年代喎！
49歲的何美鈿，多演古裝，被譽為「最美小師妹」，從內地來香港演出過不少劇集，2007年參演電影《門徒》，與吳彥祖上演激情泳池纏綿戲，相當搶鏡，近年返回內地發展，樣貌一直凍齡。
你個「Johnny 嗒」，忽然之間令幾個女星被拖落水，其實⋯話時話⋯你自己會唔會就係六個富豪之一，俾咗一百萬㗎？
