要成就夢想，總得披荊斬棘，乘風破浪。得來不易的果實，從來都是最甘甜的。

61歲的梁朝偉，沒有做爺爺，當然沒機會帶孫仔孫女，去夜市飲吓酒，但由他分享自身的經歷，去勉勵年輕人，最有資格。

「我都係來自基層家庭，我覺得每個人都會有缺陷，有啲係生理上，有啲係心理上，我自己都係。」

他在單親家庭長大，爸爸和媽媽幾乎每天都吵架，爸爸更經常會飲醉酒。「在記憶中，到我6、7歲嗰陣，爸爸就消失咗，我同妹妹就由媽咪一手湊大。因為家庭環境唔好，中學未畢業，我就要出嚟做嘢幫補家計。」

61歲的梁朝偉，沒有做爺爺，當然沒機會帶孫仔孫女，去夜市飲吓酒，但由他分享自身的經歷，去勉勵年輕人，最有資格。

時為1977年，年僅15歲的他輟學，做過報童派報紙，亦加入過銷售行業。但到了1981年，他為自己的命運，下了一步改寫一生的棋。

「當時我仲賣緊家用電器，生活無風無浪。對於未來，只會諗，如無意外的話，大概最終會慢慢升職到銷售經理。」梁朝偉還未知道人生路向，只感到賣電器這份工，不是自己的那一杯茶。

「多得周星馳，一直同我洗腦，鼓勵我放棄銷售工作，陪佢一齊去考藝員訓練班。但我媽咪好嬲，覺得我唔應該辭咗份穩定嘅工作。佢仲話：『衰仔！我一蚊都唔會俾你。』」

由於父母離異，他由本來活潑的小孩子，變得內向，把甚麼都藏在心裏，童年時常躲在被窩裏偷哭。

加入娛樂圈後，他發現透過演戲，可以把內心壓抑的情感完全發洩出來，讓他找到生活的平衡。「別人以為我在演戲，其實那是我真實的情感。」

他自言很幸運，能找到一份自己有興趣的工作，成為終生事業。

「在工作過程中，知道自己讀書不多時，可以出去進修，認真對待每一個工作。」他不忘勉勵一眾未來社會棟樑。

「我唔敢講今日自己好成功，但係起碼做到自己心目中嘅要求。我覺得我同大家一樣，只係一個普通人，如果我都可以，我相信所有人都可以。」

喜歡獨處的梁朝偉，今天還是樂於過一個很簡單的生活，每天踏踏單車，滑滑雪，衝衝浪，「我不覺得我的生活枯燥，能夠安安靜靜地喝杯咖啡，聽聽火車經過的聲音，偶爾跟人打個招呼，簡單不就是幸福嗎？」