美國航空母艦「林肯號」被困波斯灣，接近九個月唔敢埋岸，因為可以泊的基本全部都可能受到伊朗飛彈攻擊。有很多人認為，埋唔到岸有甚麼問題？艦上食物日常用品供應不缺，碧海藍天，收軍酬享受度假樂趣，何樂而不為？但事實又非如此，艦上臭氣沖天，軍官士兵進入失衡狀態，再唔泊岸，隨時會出現叛變。
有人問我，林肯號幾時會埋岸？如果我估計冇錯，應該仲有大約三百日，不過，照現時情況，林肯號可能捱不到那個時間，隨時都會泊岸，睇吓馬斯克批唔批准。如果我估計冇錯，林肯號唔泊岸並非怕了伊朗，而是替馬斯克做一個實驗，叫新版宇宙25號，實驗結果決定人類是否適合長時間在太空航空，如果不適合，SpaceX載人太空探索就要停止。所以，買了SpaceX股票的人要考慮這個風險。
有人唔明白，美國登月計劃相當成功，阿波羅太空探索亦做得唔錯，但在一九七二年，阿波羅計劃突然被叫停，理由是耗資太大。當時美國亦打緊越戰，承受唔到咁大費用，這個解釋大家都接受。不過，實情又非如此，如果將時間推前到一九六八年，美國當時推出一項白老鼠計劃，叫「宇宙25號」，將四對老鼠放入可以容納三千隻老鼠空間，食物不缺，溫度適中。開始時一百日，老鼠快速繁殖，這是該實驗的天堂期；一百日之後，當老鼠超過六百隻，增長速度放緩；三百日之後，達到二千隻時出現負增長，新一代完全不求偶，不社交，只顧梳毛的美麗老鼠，到了一千五百八十八日，老鼠群體正式滅亡。換句話說，在一個烏托邦式空間，老鼠群體捱唔到五年就會全部滅亡，如何進行太空航行？於是阿波羅計劃被叫停。不過，人類不是老鼠，有必要再做一次實驗，於是，新版「宇宙25號」出現了，如果新版「宇宙25號」的結果與「宇宙25號」一樣，人類就不用指望可以太空航行。
新版「宇宙25號」不能大張旗鼓進行，只能偷偷的去做，馬斯克對美國政府有影響力，於是用林肯號航空母艦做實驗室，用擔心伊朗的飛彈空襲而不能埋岸做藉口，睇吓可以捱得幾耐。結果似乎令美國政府及馬斯克不滿意，在航空母艦上的封閉式生活，很容易令艦上官兵出現幻變，於是不時傳出有官兵跳海自殺等新聞，仲有冇其他特別的事就不得而知。估計人類版的「宇宙25號」比老鼠版的更差，換句話說，人類太空航行只是一個不能成真的夢想，大家疊埋心水好好在地球生活，唔好諗住太空航行。
