五．一假期前夕，同事整理近一年出售的物業，發覺公司付了很多佣金，原因是佣金升了一倍，以前1%，現在要2%物業代理才有興趣去做，物業代理多收佣金理由就是買家不願意付，他們唯有向業主收取，佣金在古時候叫甚麼？是不是叫中介費？
我聽過是叫「鞋金」，代表中介人為了完成交易四出奔波，鞋都跑爛幾對，業主或者買家畀多少錢給中介人買鞋，後來直接變成佣金，其實是傭金，顧傭酬金的意思。
同事問，代理是否向畀錢的一方負責，雙方各1%，即是代理是公平公正向雙方負責。同事這個見解是錯了，代理不但不會向畀錢的一方負責，甚至向他們鋤價，近一年業主賣樓，最基本都要畀2%，買家又不用付，但代理只會向業主鋤價，很少要求買家加價，所以，畀佣唔係大晒，現在時勢，唔畀嗰個才有話事權。
同事又問，買賣佣金一般是買賣雙方負責，或者只得買方或賣方付，問我是否見過做代理唔收佣金，同事見識少，何止唔收佣金，直情要倒貼，飲茶灌水全部由代理負責，交易完成之後一毫子佣金都唔收，而且大把人爭住做，同事話：世界奇聞。
美國伊朗打了六十日，雖然中間停戰，但仍然是劍拔弩張，在停戰期間，雙方同意和談，不過仍未有一個令雙方滿意結果。今次和談，由巴基斯坦做中間人，不但在事成之後，美伊雙方都唔會畀巴基斯坦佣金，而且在談判期間，仲要保護雙方代表安全，其實絕對不容易，伊朗還算好，唔會在巴基斯坦首都伊斯蘭堡暗殺對方代表，但美國就難講，畢竟有斬首伊朗領袖哈梅內伊的前科，所以，巴基斯坦在首都的保安是非常嚴謹，甚至派出二十架戰機保護伊朗代表飛機安全。很多人唔明白，巴基斯坦點解要做吃力不討好又冇錢收的中間人。
我雖然話巴基斯坦冇錢收，其實是有的，不過並不是由美國伊朗支付，而是由中東其他國家，巴基斯坦除了有錢收之外，仲成為中東帶刀侍衛，負責保護中東油王的國家，中國也是受益人，因為巴基斯坦把刀「殲十」是由中國製造，甚至有機會提升至殲二十或者殲三十五。最失落當然是印度，不過又係自己攞嚟，印度總理莫迪在美以伊開戰前訪問以色列，並且自認低威，尊稱以色列為父，印度為母，有咁親密關係，中東油王又點敢請印度做帶刀侍衛，印度失寵是有其原因，間接令法國失了陣風戰機的訂單，法國其實都希望印度做中間人，就算負責美伊談判期間的費用亦冇問題，所以，佣金未必由買賣方支付，我亦曾經試過畀代理佣金，幫一個唔願意畀佣金租樓的業主賣樓，令到我可以買入整幢大廈。
