最近《人民日報》評審中國歷來十首最佳詩詞，蘇東坡有兩首上榜，毛主席的《沁園春．雪》排第二，陶淵明的《飲酒·其五》「採菊東籬下，悠然見南山」亦上榜。一般人認識陶淵明並不是二十首《飲酒》詩，而是他不為五斗米折腰，提早退休，而寫下的《歸去來辭》，當中提及的退休生活，或命巾車，或棹孤舟，是相當寫意，冇事做可以飲下酒，咁嘅人生，唔知去邊度搵，而現實又是否如此？
當然唔係，退休初期，可以種豆南山下，飲吓酒，相當寫意。但沒有收入日子耐咗，就唔可以支持自己嗜好，陶淵明也是一樣，不能夠長期負擔，唯有去蹭酒飲。不過，陶淵明亦非常好酒品，既醉而退，唔會發酒瘋，所以親友亦唔介意。不過日子久了，連基本生活都不能負擔，陶淵明最後唯有乞食，唔知道陶淵明在乞食時有冇後悔提早退休，早知就唔為五斗米折腰，繼續做縣官？太早退休的人是非常擔心晚年的生活，所以，香港人遲遲都不願退休。
馬斯克話不用擔心，快則十年，最多不超過二十年，AI可以替代人類，差不多所有人都不用工作。有人擔心，當絕大部分人都不用工作，他們的注意力都放在生兒育女，不但地球唔能夠容納咁多人，地球資源亦很快會被耗盡，到時候想乞食都冇人施捨，人類就會滅絕。
科學家早知道結果，人類的確會滅絕，但不是人滿之患，而是冇人願意傳宗接代，不少宗教書籍亦有提及，當人出現人滿之患時，人類就會女性化，就唔能夠傳宗接代。不過，科學家不相信宗教，於是做了一個實驗叫「25號宇宙」，將八隻老鼠放入一個極之適合生長的環境，最初時候的確繁殖得很快，但過了一段時候，不少雄鼠女性化，唔願意生育，被稱為美麗鼠，過了不久，整個老鼠族群就會滅絕。
咁嘅結果當然嚇死科學家，他們一廂情願，認為人類在不用工作之後， 會向自己的嗜好或者所長發展，令到科研、藝術、體育⋯⋯有長足發展，沒有理想的人當然會被淘汰，整個世界會更加優化。其實，科學家可能打錯算盤，一個不用工作的社會好似終身監禁，試問邊度會有被判終身監禁的人願意生下一個被判終身監禁的子女？即使是優質人類都不願意生育，結果都是人類滅亡。所以，馬斯克才會話最快都要十年，人類才可以不用工作，目的是爭取十年時間來解決問題。其實，人類的基因要求，要鬥爭才可以生存，如果不用鬥爭，根本沒有生存意欲，人類不用工作是行不通的。
