有大學同學同我講，我在外國讀了幾年大學，又做過嘢，但從來唔見到我惹上官非要賠償，就算是交通意外，通常都是對方賠錢給我，唔通次次都是我啱晒？我話啱唔啱真係好難講， 總之唔認錯，唔啱都會變啱。
有很多中國人在外地發生交通意外，落車之後猛講sorry，最後啱都變咗唔啱，法官會認為，如果啱點解要講sorry，尤其是有一些法官知道中國人sorry的意思就是對唔住，無端端講對唔住，想唔輸都唔得。我在外國咁多年，如果發生交通意外，一落車就媽叉對方，問對方究竟識唔識揸車，對方經常會被我嚇窒，就算自己啱晒都會認衰，我話自己修理自己部車，對方都唔知幾開心，所以，在外國千祈唔好講對唔住，老實說，鬼佬根本冇對唔住，sorry並不是對唔住，只是為事件難過，不過，大家都習以為常，以為sorry就是對唔住，所以， 在任何情況之下都唔好講sorry，否則好蝕底。
網絡傳聞，在特朗普話考慮降低中國關稅之前，有中國官員講對唔住，大家都很奇怪，在這個極端敏感時刻， 邊個官員有份量講對唔住，但後來發覺，原來是有美國官員打電話畀中國政府，在電話唔通之下傳來一段留言，「對不起，你撥打的電話已關機」，原來對不起只是禮貌的留言，並不是真的是有中國官員講對唔住。
雖然只是笑話一則，但由此可見，美國政府是極度希望中國政府首先來電磋商關稅問題，但更加希望中方先講對唔住，承認關稅責任是在中方。其實，對於關稅問題，中國政府或者任何國家都沒有責任，亦並非好似特朗普所講，全世界所有國家都是剝削美國，而事實上關稅好似銷售稅，是由美國人民支付，如果講剝削，就是美國政府剝削美國人民，與其他的國家無關。
特朗普今次推出關稅真係捉蟲，本來特朗普意思是希望那些持有美國國債的國家，可以用低息長債轉換到期美債，如果唔就範就要承擔巨額關稅。所以，持有越多美債的國家，關稅百分比越高，北韓沒有持有美債，所以，北韓貨物進入美國是不用收取關稅。但後來發覺，關稅是由美國人民支付，唔關進口國家的事，但的確是做少了生意，對那些國家是有所損失。現在美國已經是騎虎難下，只要中國講一聲對唔住，便會大幅降低所有國家的關稅，如果是十多年以前，中國或者會食這隻死貓，現在就無可能，估計美國在一兩個星期之內，即使中國政府唔講對唔住，都會死死地氣降低關稅。
