有老友同我講，有時中文語句未能表達真正意思，例如招呼朋友到家裏居住，主人家為了表示只是舉手之勞，會用上朝行晚拆，代表很方便，請朋友不要介懷，其實，應該是朝拆晚行，朝早拆咗張床，晚上再行床，否則都唔通。

圖片來源﹕路透社

如果不是大戶人家，未讀過治家格言，真係唔知道朝行晚拆與朝拆晚行的意思，中國人比較含蓄，唔會實牙實齒講出嚟，有時候會用上一些隱晦說話，朝拆晚行代表可以暫時收留你，朝行晚拆，即是晚上拆了張床，代表不能收留你，唔該你走人。

現在已經好耐冇呢支歌仔唱，以前仲話留飯不留宿，現在宿飯不留，甚麼朝行晚拆，大家都唔知道真正的意思。

英國爆發反移民社會運動，有用BNO身份移居英國的老友，擔心英國政府在五年之後拒絕他的移民申請，我話不用擔心，到時候十之八九會拒絕，這是英國政府的朝行晚拆，當日為了達到擾亂香港的目的，答應合BNO資格的申請人可以移居英國，五年後可以申請移民，一年後入籍，當時已經有很多人質疑，既然英國政府咁關心香港人，應該是在他們移居英國一年後就可以申請做移民，五年後入籍，咁樣一定會有很多BNO移居英國，現在英國只是朝拆晚行，暫時收留班BNO人士。

全世界的家庭都唔會希望有親戚朋友入住自己住宅，尤其是長住，否則日子久了，一定會發生衝突，英國也是一樣，英國原居民最初接受新移民，亦只不過因為新移民可以替補原居民唔鍾意做的工作，令到原居民工作較輕，收入更多，但這個情況是會不斷進化，最後新移民是會搶走原居民的工作，甚至令原居民收入下降，治安變壞，但唔可以踢走移民，但未有移民身份的人就可以，所以，英國推出朝拆晚行計劃，暫時收留移居英國的香港人，所以要等五年才可以申請做移民，在這段時間，移居英國的香港人不但要循規蹈矩，唔好犯事，支持英國政府，同時求神拜佛希望唔會出現反移民的社會運動，否則，他們做英國移民的機會就凍過水。

如果見到朝行晚拆都唔走，大戶人家點樣趕走那些留宿親友，就是自己家人發生衝突，一部分家人支持親友繼續留宿，另一部分就強烈反對，日日家嘈屋閉，搞到留宿的親友知難而退，所以，當接近五年限期，英國可能會出現很多示威，甚至社會運動，有支持或者反對移英港人，最後搞到不少移英港人知難而退。