不是搬家，是多一個竇口。
全球一體化之下，我心安處是家鄉，思鄉早已成為封建社會的代名詞了，我作為一個半退休數碼遊牧民族，四海為家，才是新的常態。今日同大家分享一下，點解要多一個家，準確啲嚟講係多一個竇口，而不是搬家或者移民？
新年流流，美國以色列和伊朗開戰，中東最繁華的杜拜陷入火海，我有長期住在杜拜的台灣富豪朋友，同我講唔使驚，因為他在峇里島有另外一個家，開戰第二日已經飛咗去峇里島，在沙灘別墅曬太陽繼續炒台股。
其實疫情封城想逃亡時也是一樣，你會發現，如果好似我哋父母輩一樣，一世人住喺一個地方，只有一個屋企的思維，實在不能夠應付現在的世界局勢。
疫情時，香港開始封關封城清零時，我就飛咗去台灣，好彩我喺台中有另外一個屋企，享受了兩年十分愉快自由的旅居生活！相比上海封城時，上海朋友們足不出戶多月，我覺得自己超前思維咗。
狡兔三窟，新年伊始，我又有另外一個新的窟了！要建築一個全新的洞窟，我已經有多次實戰經驗。首先要考慮同香港的地理距離。
年輕時，我曾經住過德國、英國及日本等，也去了一百多個國家旅遊，但老咗之後，𠵱家我就絕對唔會揀地球對面，或同香港有時差的歐美，因為年輕時飛得太多，已經受不了長途飛機的折磨了，超過4小時的機程可免則免。
所以目的地一定在亞洲，可以選擇的就是台灣、日本、泰國及大灣區。台灣我已經有一個竇口，另外我投資日本物業超過廿年，將來不排除我也會住番自己早年買的日本樓。泰國係我另外一個鍾意的微笑國家，不過老友胡慧沖成日勸我唔好喺泰國買樓。剩下的，就是大灣區了。
現在是最好旅居大灣區的時候，早幾年樓價太高，食安問題頻頻，現在食住相宜，進步神速，特別是日新月異的深圳。
現在是最好旅居大灣區的時候，早幾年樓價太高，食安問題頻頻，現在食住相宜，進步神速，特別是日新月異的深圳。
最Hit
