發佈時間：19:09 2024-06-28
《中年好聲音2》亞軍譚輝智，今日（27日）在銅鑼灣出席雪肌蘭的簽約活動，他不但再度成為該品牌健康食品代言人，更為品牌獻唱電視廣告歌，同日還擔任「一日星級店長」，而他的妹妹和姨甥及雪肌蘭老闆劉陳小寶都特地現身支持他。他坦言再做代言人當然開心，另外唱電視廣告歌都感興奮，皆因是用自己創作的歌曲改編，錄製過程亦算輕鬆。問他有甚麼護膚和Keep Fit心得時，他笑言護膚是太太的強項，他較喜歡做劇烈運動來排毒。
相關文章：《中年好聲音2》譚輝智演唱會 全場座無虛席相當墟冚
首支個人單曲
譚輝智早前成為雪肌蘭「魚宝鯊魚丸」的代言人，今日再獲品牌委任為「魚宝腦の源DHA」的代言人，更願望成真為品牌獻唱廣告歌，也是他個人的首支單曲，他坦言：「我係用自己作嘅歌去改編，原本首歌有啲慘慘哋，我將佢改得輕快啲，配合番健康食品嘅廣告。而錄製過程都好輕鬆，因為都係做番自己，同比賽好唔同。」
太太背後支持
現場除了約有10位Fans現身支持譚輝智外，雪肌蘭老闆劉陳小寶，也在工作完後趕到現場支持譚輝智。其實因為譚輝智要在品牌銅鑼灣的旗艦店擔任「一日星級店長」，所以同場亦邀請了譚輝智的妹妹及姨甥現身支持他。而身為主持的蔡康年，即場扮大肚婆和老人家顧客，讓輝智店長熟習一下，不過譚輝智稱冇乜難度，不需任何Prepare，反而邀請家人出席先最困難，他苦笑說：「要求佢哋先得㗎！」至於譚輝智太太都在場，不過被要求合照時，她笑笑口、擰擰頭，不欲拍照。
勤做運動排毒
由於嚟緊會擔任很多慈善Show的嘉賓，問譚輝智怎樣養聲時，他賣花讚花香說：「比賽時好緊張，好擔心會病，但自從食咗鯊魚丸後，真係抵抗力好咗，連我覺得好嚴重嘅黑眼圈都淡咗。」由於他時常要出鏡，問他平日怎樣護膚時？他笑言：「其實真係冇乜，我老婆先係專家，我反而鍾意做運動排毒，仲要係劇烈嗰種，一星期會打一日籃球，打足幾個鐘，一有時間就會跑步同游水，因為到咗呢個年紀真係需要做多啲運動，尤其游水最好，因為唔怕整親啲關節。」
