發佈時間：19:27 2025-02-07
有網民昨日（6日）在FB專頁「文人多說話」發布影片，指有九巴車長在高速公路停車，開咪斥責大聲說話的乘客。其行為引發網民熱議，有人力挺車長，直言「只有唔識揸車既（嘅）人，先會覺得司機有問題」，有人則批評﹕「你可以話被噪音騷擾唔開車，要求乘客配合先再開車，但唔係咁既説話同語氣囉。」
司機：頭先播咗咁多次廣播 就應該醒水啦
樓主以「巴士超級癲司機，有乘客大聲傾偈，佢開mi鬧到飛起」為題發帖，從其分享的近1分鐘影片可見，當時巴士停在屯門公路路邊，而拍攝者則坐在涉事巴士下層後排座位上。車長透過咪高峰語帶激動地怒斥乘客：「繼續講啊，繼續大聲傾偈啊，唔緊要㗎，唔係傾電話，下面講嘢大大聲啊，好似開會議咁。」
車長說到這裡停頓一會，然後接著罵道：「繼續講啊，唔緊要㗎，阻住你哋啫嘛，我大把時間。」他再稍微停頓後說：「繼續講啊，唔緊要㗎。」現場鴉雀無聲，司機再說：「我頭先播咗咁多次廣播，就應該醒水啦，係嘛啊？」片中可見有乘客望向身旁，似對車長的行為感到錯愕。
疑似同車乘客透露前因
隨後有疑似身處現場的網民在FB專頁「屯門友」留言透露事件起因：「事源是個乘客喺鳴琴（站）上車，已經好大聲講嘢，所以車長先迫於無奈停低，冇人想知道佢間蛋糕店生意好唔好囉。」
有曾任職巴士車長的網民則稱，車長駕駛室右上角設有一支黑色咪高峰，「唔係有咩特別嘅嘢，車長多數唔會用」。
網民：贊成司機小人 唔通發生意外好咩？
網民對車長的行為態度兩極，不少人支持他：「唔評論其他，但可以講你知……一路揸車一路聽住佢地大聲講電話睇抖音，係好困擾的。」「成日見d廢老開抖音大大聲嘈住司機揸車，贊成司機小人，唔通發生意外好咩？」「只有唔識揸車既人，先會覺得司機有問題。」「雖然個做法可能唔係最理想，但支持個司機。」
有人直問樓主﹕「點癲法，好正常喎，係咪樓主你畀人鬧？」有網民呼籲：「作為乘客都要自律吓！始終車長要肩負成車人的安全和性命，壓力一定有，不必要的燥音可免則免，以免影響司機專注力。」
網民：巴士佬幾惡
但有部分網民批評車長的處理方法：「你可以話被噪音騷擾唔開車，要求乘客配合先再開車，但唔係咁既説話同語氣囉。」「巴士佬幾Ｘ惡，人地傾電話都停係高速鬧人。」「直頭犯晒交通規則！」「狂躁症揸巴士好危險。」
九巴乘客須知列明，應為其他乘客設想，不應在車內作出令其他乘客感到煩擾的行為，例如高聲談話、高聲播放流動設備音響等。九巴亦嚴禁使用任何恐嚇、侮辱、辱罵或不恰當的言語或動作，或以任何其他方式騷擾車長或車廂內之乘客。
