發佈時間：18:48 2025-01-23
義務執垃圾竟然執到昂貴物件，理應交由警方處理，未料這名義工卻在社交平台上公開奇遇，還揚言要將之變賣，再用於購買夾垃圾的夾子，結果引發網民兩極反應，有人支持，有人事則建議報警，否則可能會違法。最終義工會如何抉擇？大律師又有何看法？
據涉事義工在社交平台Threads發布的帖子稱，他是於本月初在萬宜水庫東壩執垃圾時，無意間在石罅堆中拾獲一副智能眼鏡。他經上網查詢後，發現其價格不低﹕「全新5,500（元）左右，二手都4,000（元）。」於是考慮將之放售，並問網民﹕「我係咪應該放出去？攞啲錢嚟買夾垃圾啲夾，同其他工具。」
網民反應兩極
這一問，隨即引來熱烈迴響。有網民支持樓主變賣﹕「其實呢啲係好心有好報，咪當中六合彩。」「放咗佢當幫補吓啦！」「執垃圾發達大計！」但也有部分網民認為，該物品可能是行山人士不少心遺留的失物，建議交警方處理：「你執到垃圾據為己有……但法律上，拾遺不報確實就係犯法……你擺咗上嚟，就即係公開咗，咁只要有人報案，就變咗要公事公辦……畢竟你自己都post埋啲證據上嚟……」
事主：值錢都係垃圾
樓主則回覆說不擔心有人舉報，「因為我唔覺得警察會開case，亦都唔覺得法庭會處理呢啲咁嘅嘢。」他是因為「覺得執垃圾係幾好玩，中途發現呢啲事與物，分享吓開心吓」，才會公開事件。
他堅持「執垃圾同埋拾遺不報（係）兩回事」，又指自己「每個禮拜日咁樣執垃圾，如果下下要拎去警局，我諗我真係都會好忙，八達通又有，AirPods又有」。他還分享照片，顯示曾撿到八達通和拐杖，「喺山道有好多嘢，正確嘅做法，係抌晒落垃圾桶，譬如拐杖／學生證／八達通，咁我冇理由，攞埋呢啲去警局掛，所以我一律當所有嘢係垃圾，值錢都係垃圾」。
他強調，「總之喺個山度，我見到有人遺棄嘅嘢，我都當係垃圾」，並對提出質疑的網民說﹕「如果你哋覺得我唔啱嘅！我完全一啲都唔介意，將每一次收集到嗰十幾袋垃圾，全部送晒俾你哋！等你哋去釐清，究竟邊樣係垃圾？」
大律師﹕拾遺不報或觸犯盜竊罪 最高可判囚10年
不過，大律師陸偉雄指出，涉事智能眼鏡是否屬於垃圾，須取決於其價值及被拾獲的地點。他舉例說，若在垃圾站撿到昂貴傢具，由於該處是合理丟棄垃圾的地方，傢具雖名貴，但被視為垃圾的機會很高。但智能眼鏡本身有一定價值，東壩行山路徑亦非理所當然丟棄垃圾的合理地點，該物品有可能是行山人士不少心遺留，因此建議事主交警方處理，若3個月後無人認領，警方會將物品交與拾獲者。
他強調，「地上執到寶，問天問地攞唔到」的傳統思維是錯誤的，拾遺不報有可能觸犯盜竊罪，最高可判處監禁10年。
