蔡天鳳碎屍案|鄺球作供  認曾辱罵蔡天鳳為「生仔機器」

更新時間:16:22 2026-11-18
發佈時間:16:22 2026-11-18

名媛蔡天鳳(Abby Choi)疑遭殺害及肢解案,周三在高等法院踏入第40日審訊。否認謀殺罪的前家翁鄺球繼續出庭自辯,除談及與蔡天鳳昔日相處細節外,亦回應控方及辯方多項質疑。他聲稱,蔡天鳳後期對鄺家的態度轉變,與得悉前夫鄺港智在內地另有女伴有關,又強調龍尾村單位內的菜刀、砧板及大煲等物品一直擺放於廚房,只屬一般廚房用品。

庭上談到早年一宗家庭爭執時,鄺球承認曾以「生仔機器」形容蔡天鳳,但否認曾動手打人。他稱當日只是口角,「冇打佢,如果打咗佢一早報警啦」。當辯方指他曾試圖出手、後被家人阻止時,鄺球直言:「冇咁嘅意識想打佢,係想鬧交啫。」

對於蔡天鳳後來與鄺家關係轉差,鄺球認為並非單純不尊重家人,而是性格出現重大改變。「佢唔係唔尊重我家庭,佢係180度轉變咗啲性格,原因就係佢知道Alex喺大陸有條女。」他並稱,即使如此,兩人其後仍保持相當密切的聯繫。

辯方引述蔡天鳳昔日發給母親的語音訊息,指她曾以難聽說話談及鄺家。鄺球聞言反問:「我都唔知喎,佢又冇同我當面講過。」對於辯方質疑蔡天鳳是否一直看不起鄺家,他則顯得不以為然,「點解睇唔起?佢收咗我咁多錢,負責一個banker咁嘅角色,啲錢邊個畀佢呢。」

 

談及兩名孫兒時,鄺球表示從未有人直接通知他,蔡天鳳曾拒絕讓子女與他見面,「你講畀我聽我先知咋嘛」。他稱由2022年中至案發前的新年期間,仍曾見過兩名孫兒。即使真的被阻止見面,他亦認為可循法律途徑處理,「唔俾見兩個孫當然唔開心啦,但可以去家事法庭解決囉,打官司囉。」

至於檢方一直關注的龍尾村村屋,鄺球供稱租屋及搬遷決定均由自己作出,兩名兒子沒有參與。他表示鄺港智曾於2023年2月11日到過單位參觀,但只屬普通探訪。

庭上展示屋內檢取的菜刀、砧板及煲具相片時,鄺球指物品一直放在廚房,認為沒有特別之處,「刀嗰啲咪喺廚房,煲都係廚房,砧板都係廚房,廚房用具啊嘛。」至於鄺港智當日有否進入廚房,他則稱沒有留意,「Daddy租咗間屋,佢嚟睇下,我冇理佢行去邊。」

 

相關新聞:

蔡天鳳碎屍案|鄺球認肢解蔡天鳳  與兩子無關   否認事前計劃殺害

蔡天鳳碎屍案|鄺球作供指買鋸及槌子為築圍欄買買大湯煲做花盆種植  購買砧板及菜刀自己切肉 「肉檔細菌多」

蔡天鳳碎屍案|鄺球出庭自揭曾轉帳逾3000萬助蔡天鳳置業 加多利山單位登記其名下

蔡天鳳碎屍案|鄺港傑稱從未見弟弟攻擊蔡天鳳頭部 庭上強調:我唔知就講唔知,我睇唔到就講睇唔到

蔡天鳳碎屍案|控方質疑鄺球買14寸湯煲  鄺港傑表示「唔奇怪」「睇下平時點煮嘢」「知佢有情婦,會唔會開大食會,我唔知」

蔡天鳳碎屍案|鄺家兩兄弟還押期間「傳紙仔」 鄺港傑認:不斷諗點樣有個版本令罪責輕啲

 

鄺球指鄺港智無倚賴蔡天鳳維生。IG 圖片
鄺球指鄺港智無倚賴蔡天鳳維生。IG 圖片
鄺港傑。
鄺港傑。

 

另外,鄺球確認自己曾在政府實施電話卡實名登記措施前購買兩張電話卡,但否認與案件有關。他又重申,自己與兩名兒子從未計劃傷害蔡天鳳,「無呢個計劃。」對於有指三父子曾商討供詞或抗辯方向,他亦一概否認,稱案發後從未與鄺港智或鄺港傑研究如何應訊,「唔清楚佢哋用咩抗辯理由,亦冇討論過案件內容。」

本案中,鄺球、鄺港智及鄺港傑同被控謀殺及阻止合法埋葬屍體兩項罪名。三人否認謀殺罪,但承認阻止合法埋葬屍體罪,案件續審。

 

 

 

立即追蹤《東周刊》全新WhatsApp頻道,緊貼全城熱話、突發猛料、獨家消息!
https://bit.ly/4gnvlZf