發佈時間：13:26 2026-08-01
久未聯絡的親戚突然大獻殷勤，背後可能隱藏陰謀，有孝順女在網上憤怒發文控訴，指近日有親戚突然現身，帶其80 多歲的母親到旺角求診把脈，診所竟索價1萬元天價診金，懷疑該親戚與「中醫黨」合謀「打龍通」騙財。
樓主昨天（7月31日）在社交平台 Threads 發帖，大呻母親疑似被親戚詐騙的經歷——「喺香港有個好耐無見嘅親戚，突然去探我媽，我媽老人家80幾歲左右，起初好熱情，帶佢周圍去。」
原本以為是親戚間的溫馨相聚，豈料過了兩天後，對方突然以長者腳部不好作藉口，熱心地帶她到旺角，去看一名所謂的「女中醫師」，從而令老人家墮入圈套。
診金高得令人咋舌：把脈竟收1萬元
當到達該診所後，其收費高得令人咋舌。樓主講道出事發經過：「我媽話把脈咋，就要畀$1萬，我媽話無咁多，都畀咗$5000，後來個女醫生有幫我媽按摩下，但你點睇都係夾埋個女醫生呃我媽喇！」
眼見母親慘遭騙財，樓主在文中公開了該名無良親戚的名字，並嚴厲警告對方：「你唔好再出去搵我媽，枉我媽仲當你親戚，快還錢畀佢老人家，『吳XX』你個衰人，老人家啲錢你都呃，因住個天收你！唔係我媽講出嚟，我都唔知。」樓主更呼籲大眾要提防此人：「想大家注意下呢個男人名，以後大家都小心啲。」
網民怒斥「偷呃拐騙」：如「飯腳」騙案翻版
不少網民直斥該名親戚的行為，形容這是「偷呃拐騙」。有網民指出，這種行騙手法與坊間的「飯腳騙局」如出一轍：「好似嗰啲呃人飯腳，搵水魚去幫襯自己舖頭，食幾千蚊垃圾嗰類」，懷疑該名親戚與該「女中醫」診所存在利益輸送。
有網民留言詢問涉事診所的細節：「地舖定上樓？」、「開埋偽女中醫」、「開埋樣等大家提防下啦」。樓主則回覆指，聽母親的形容理解應該是「地舖」，位置大約在旺角的角落。
樓主表示，若非母親主動提起，她至今仍被蒙在鼓裏。對於網民留言同情並建議「報警」或「公開長相」，樓主嘆道，事件其實「已經係上年的事」，並稱「老人家唔記得多嘢，只記得旺角，角落位置咁，連名都唔記得，唉…」
資料來源：daydaytiger＠Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
