發佈時間：18:46 2025-12-11
突然發現結婚近20年的丈夫出軌了，應該怎麼做？一名40歲人妻昨日（10日）在社交平台Threads發帖，訴說自己的遭遇，坦言打算攤牌，但「樓又未供完，連老公都冇埋真係唔知點算……唔想離婚」，希望廣大網民能給她建議。帖子一出，即吸引不少人留言教路她自保招數。
樓主在帖文中寫道：「四十幾歲人，先發現老公出軌，可以點算……一齊咗接近二十年，樓又未供完，連老公都冇埋真係唔知點算……唔想離婚……」她直言事件來得非常突然：「琴晚都好夜先知道呢件事，佢承認後大家未有時間一齊傾，希望今晚可以好好同佢傾吓……」
樓主隨後在回應網民時透露了更多細節，承認自己不想離婚的原因包括害怕孤獨、依然愛着對方、生活上依賴對方，且在意別人的目光。夫婦倆無子女，但層樓有她的名字，讓情況更加複雜。此外，她亦擔心自己「年紀又唔細」，工作可能「只係可以做埋今年」，經濟上的不安全感加深了她的無助。
當有網民對事件真實性表示懷疑時，她回應說：「我都想膠，我都想假。」
網民籲及時止損 活出更精彩下半場
帖文吸引大批網民留言，不少人認為長痛不如短痛，支持離婚，直言出軌在香港十分普遍，樓主能及早發現已是「不幸中嘅大幸」，與其啞忍，不如瀟灑離場。有網民則鼓勵她，指40歲是人生的新起點，而非終點，建議「先將你老公擺埋一邊，然後狂做運動狂扮靚，跟住你會發現你有更多選擇。」
有人更分享了朋友或自身經歷，證明離婚後能找到第二春，甚至活得更快樂。有「過來人」寫道：「依家多謝當年選擇，唔好太擔心冇佢生活唔到，你可以好叻架其實，會改變去生活～最後發現原來冇佢仲快樂～」有人敦促樓主，「依家最緊要蒐集好確實證據喺手，再搵律師同佢傾財產分配、離婚等等，盡量爭取最有利條件」。
網民：冷靜部署 扮唔知謀定後動
與此同時，有網民建議樓主先冷靜下來，進行「戰略性部署」，「如果唔想離婚，就首先忍住扮唔知唔好踢爆住，揾啲嘢做分散自己注意力，去扮吓靚執正番自己先」。不少人也提醒樓主，旁人說「離婚」總是輕易，但「承受既係你自己」，建議應想清楚自己的底線，以及是否有信心對方會回心轉意，在攤牌必須做好萬全準備，「你老公就係睇死你唔會選擇離婚，先會出軌」。
來源：deer.6035072＠Threads
