更新時間：19:26 2025-10-31
發佈時間：19:25 2025-10-31
發佈時間：19:25 2025-10-31
在公眾地方隨地吐痰，實在令人憎厭。有女網民日前在社交平台Threads發帖，講述了一段親身經歷，指在港鐵灣仔站月台上看到一名載口罩的大叔隨地吐痰，她當地叫住對方直斥其非，獲得不少網民大讚見義勇為﹕「給版主的讚x100」。
樓主：我即刻叫住佢
樓主以「香港地鐵」為題上載相片發帖，指「啱啱喺灣仔地鐵站，我等緊地鐵上車，呢個男人喺我後面經過，隨地吐痰，我即刻叫住佢：『阿叔，你做乜隨地吐痰？咁核突嘅你？呢度公眾地方嚟㗎！』由於喺地鐵講粗口係犯法，所以我冇半句粗口」。而相片則是在北角站埋站後拍攝的，相中大叔胸前孭著大背囊，並拿着兩個載有物品的紅色背心膠袋。
據樓主指，當時「企喺我隔離等車嘅後生仔，即刻閃開，我另一邊帶口音嘅中年女人，反而同我講：『你好叻呀， 頭先個男仔就就咁走咗唔理』」。她又批評，「條友自己上車之前識得戴口罩，即係只會保護自己，自己隨地吐痰就冇所謂」。
根據《香港鐵路附例》第24條，任何人不得在鐵路處所的任何部分吐痰，違例者被罰款5,000元。同時，第28H(1)(a)亦訂明，任何人於鐵路處所之上，不論何時，不得使用任何威脅性、粗穢、淫褻或使人反感的言語，或鬧事、行為不檢、行為不雅或作出使人反感的行為，違例者可被罰款5,000元。
網民給100個讚
事件曝光後，網民紛紛大讚樓主見義勇為，並指責涉事大叔自己戴口罩卻隨地吐痰摘的行為﹕「給版主的讚x100」、「俾個讚你，呢種人自己戴口罩怕傳染到病菌，但自己就是始作俑者」、「俾個like你！ 遇到咁嘅情況好多人都唔會夠膽出聲」。
還有人提議應對之法﹕「我會叫佢抹返佢！唔係就叫職員。」另有網民對身旁後生仔的反應，感嘆「不論男女大部分人食花生唔會幫」。
資料來源：ngansze＠Threads
最Hit
