發佈時間：19:44 2025-10-23
銀行戶口突然收到巨款，應如何處理？有網民昨日（22日）便在社交平台Threads發帖指，近日經轉數快離奇收到高達10萬元的轉賬，隨後又分別接到Whatsapp訊息和來電，聲稱「過錯數」。不少網民懷疑此中暗藏貸款陷阱，事主則透露後續應對方法。
事主在帖文中寫道，經轉數快收到「成十萬銀嘅轉賬」，「跟住有人又whatsapp我又打俾我，話係過錯數」，他對此感到十分詫異，「大佬，十萬銀齊齊整整五個零，你話加減返幾千幾百都可信，又或者只係過錯幾百蚊嘅話，我都可以直接過返俾你，但係十萬蚊我真係唔敢郁」。
事主還分享了銀行通知短訊的截圖，當中指其賬戶有人存入10萬元。而該「入錯數」人士在Whatsapp中留言稱：「唔好意思，我啱啱轉錯數俾您，麻煩覆電話俾我。」
帖子隨即引發關注，不少網民質疑對方何以會「有你電話」，樓主猜測「佢應該用轉數快落錯我電話到」。有人亦揣測「入錯數」背後有其他動機，並提醒樓主警惕，以防受到詐騙：「嗰啲唔係轉賬！係有人以你名義（申請的）貸款，你轉返畀佢，就佢袋咗你啲貸款走，之後銀行追你！」該網民指早前TVB《東張西望》亦有報過過有類似手法。
網民籲別私下處理 應聯絡銀行
網民紛紛敦促樓主切勿私下處理，而是應即時聯絡銀行並交予其處理，以策安全。樓主隨後透露，最終「我就叫佢搵銀行搞返，叫銀行做中間人去搞返退款」。他又指致電對方：「對方又冇乜點叫我過返數俾佢，只係同我電話上講咗『已經報咗警同埋搵咗銀行搞』，語氣上都客客氣氣。」他希望事件「只係錯手轉錯掛，但係我都只係信銀行」。
錯誤轉帳點算？
根據銀行公會及金管局「跟進錯誤轉帳的處理程序」新指引，市民如不慎轉帳到錯誤戶口，應盡快聯絡有關銀行或電子錢包營運商，尋求協助。相關銀行應在接獲客戶「轉錯數」報告後2個工作天內，要求收款銀行聯絡客戶確認，並需取得客戶授權後方可即時轉回有關金額。而銀行亦有責任提供一切相關資料，協助客戶盡快識別轉帳是否有誤，並需提醒收款客戶不歸還誤入款項，可能要承擔刑事責任。
來源：longlong7728＠Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
