發佈時間：19:38 2025-10-22
搵工竟然慘遭公審！一名在本港知名外企任職的人事部職員，昨日（21日）竟在社交平台Threads發帖，公開一名求職者的電郵截圖，並嘲笑對方「你不如唔好搵工啦」，引發眾怒。不少網民質疑其行為有洩露私隱之嫌，並向涉事外企投訴。未料涉事職員竟再寫百字回應挑機，令網民非常震驚：「佢真係有病？」
從涉事外企人事部職員公開的截圖可見，一名求職者在電郵回覆中表示，因公司安排在10月底的面試時間，適逢其外遊度假，故希望能改期至11月初。而該名職員則在帖文中嘲笑對方：「你不如唔好搵工啦。」又指「你咁大牌，真係幾fun，重要就你到下月，你邊位」。
該職員還批評求職者所留聯絡電話有誤：「重要份CV個電話號碼係錯嘅，已經email你，咁嘅回覆，holy。」
回應網民劣評：多數你哋都幾有問題
在面對網民的批評時，該職員又回應表示：「其實呢，成事件唔係佢放唔放假嘅問題，係有冇心，OK？資料填錯，仲要人哋就佢幾時，你話你返緊工都算，去旅行時間好flexible吧。」隨後又嘲道，「你係去旅行買個支架唔難掛？買件恤衫唔難掛？……又要旅假又要搵工……仲要first round online都咁，都仲覺得冇問題嘅睇，多數你哋都幾有問題。」
反擊網民後刪Po 兼private戶口
該職員的言論掀起一片罵聲，不少網民嚴厲認為其做法有侵犯私隱之嫌：「你咁樣cap人哋段email上嚟，佢見到既話等投訴你。」「嘩呢D公司原來咁處理D敏感資料架，仲放心同佢做生意？」網民亦普遍支持求職者：「人地咁有交帶仲想點？另外可以咁樣cap candidate既私人email上嚟既咩？」「面試撞正去旅行，話同你改期都要畀你公審？想點？」
涉事外企：全面徹查
事件發酵後，涉事職員再因封鎖劣評網民留言而致事件再升溫，最終在網民瘋狂起底下刪除有關帖文，並將個人社交賬戶轉為私人。不少網民隨後湧至涉事外企的社交平台作出投訴，涉事外企回覆指高度重視個人資料私隱，現正就事件進行徹底調查。
據了解，涉事外企為全球知名房地產服務商，總部設在英國，在港提供住宅、商業、估價專業諮詢，以及物業管理等多種房地產服務。該公司資料顯示，2024年上半年在本港物業市場錄得逾80%市場佔有率。
涉事HR再發逾百字挑機
然而，事情仍未結束。涉事職員之後疑似在社交平台賬戶的個人資料欄內，以逾百字挑機：「唔用真身嘅都係shit，靜下啦！撳入嚟睇我你就輸咗喇，傻仔，議事論事啦，茶言茶語的，滾出Threads啦，冇文化冇logic嘅呢，我睇唔過眼就會block，go to hell la。」
此番留言令不少網民震驚：「佢真係有病？」「佢太過年輕了，做錯嘢唔認，on9當有趣，咁小事喺度公審人。」「嗯……最後嘅反抗。」
立即追蹤《東周刊》全新WhatsApp頻道，緊貼全城熱話、突發猛料、獨家消息！
