更新時間：18:42 2025-09-08
發佈時間：18:39 2025-09-08
發佈時間：18:39 2025-09-08
打風定打仗？颱風塔巴襲港，有街坊昨日（7日）在惠康超市目睹一對父女竟然一人一車，將整個貨架上的辛辣麵狂掃一空，連路過阿姨也側目。事件被分享到社交平台後吸引網民關注，有人不禁慨嘆﹕「打一日半日風入貨仲勁過covid隔離10日8日。」
樓主上載了現場照片，並在帖子中留言﹕「打風定打仗？目測兩父女一人一車，掃晒成個貨架所有辛辣麵。」從相中可見，一名身穿黑衣男子正將手伸向貨架，似是要繼續拿杯麵，而他身旁的超市手推車裡，已經放滿了一盒盒辛辣麵。
樓主透露「隔籬左右有啲阿姨行過都講：洗唔洗呀」，還用諧音嘲道﹕「攞苦嚟辛。」
網民：唔知以為打一個星期
帖文隨即引發關注，有網民不禁感慨說：「打一日半日風入貨仲勁過covid隔離10日8日。」有人則揶揄「由得佢啦，幫人清貨尾，唔係個個都咁抵得諗」、「次次打風啲人都係咁㗎啦，唔知以為打一個星期」、「一日至多三餐，十個人的話買一箱咪得囉」。
另有網民猜測這對父女囤積辛辣麵是有其他目的：「買嚟炒？」「可能去外國讀書買嚟寄過去。」「可能咁啱減價入定貨啫。」
來源：Threads＠gelblauuu
相關新聞﹕
颱風塔巴︱香港快運航班降落撞指示牌冒煙 137人滯留機上1.5小時 乘客﹕落機先知出事
塔巴風力漸弱 天文台下午1時10分改發三號風球 紅磡碼頭風雨交加 學生追風減壓、長者晨運如常
最Hit
