更新時間：20:04 2025-08-09
發佈時間：20:04 2025-08-09
發佈時間：20:04 2025-08-09
大肚婆行竊？旺角一間時裝店前日（7日）懷疑遭到賊人光顧，從網上流傳的天眼短片可見，一名「大肚婆」竟然在望向閉路電視鏡頭後落手，孭起店內一個黑袋子，並在繞場一周後才離開。疑似店主公開畫面「緝兇」，不少網民看後紛紛敦促報警。
「大肚婆」旺角商場「零元購」
樓主在社交平台Threads以「賊」為題發帖，上載短片和片段截圖，指「聽講Threads搵人好勁，有冇人識得片中人幫我哋搵吓佢」。從該段長約1分半鐘的天眼短片可見，事發時間為7日傍晚6時09分左右，現場是旺角兆萬中心內一間時裝店。
「大肚婆」疑似瞄到閉路電視位置
片中見到長髮「大肚婆」乘扶手電梯到場時，沒有揹袋。抵達店外時，似已鎖定一個黑色袋子為目標，接著便單膊孭起試袋，然後轉頭四處張望，其間疑似瞄到閉路電視鏡頭的位置。「大肚婆」之後將袋子由單膊孭改為斜孭，再轉身在店內繞場一周，最後施施然離開。當時店內人來人往，職員則埋首工作。
樓主隨後再發兩則以「零元購」為題的帖文，一則寫道「唔明點解佢可以望完CCTV（閉路電視）都仲夠膽死攞走」，另一則就上載了公開小偷模模樣的片段截圖，問「唔知應該點稱呼你。有冇人認得呢位小偷」。
樓主：想俾同行睇吓係咩樣
帖文及影片引發網民關注，有網民指責涉事「大肚婆」﹕「佢媽媽冇教佢偷嘢係唔啱㗎咩？」有人則追問樓主「報咗警未」，樓主回應說「報咗備咗案！知道機會好渺茫！不過想俾同行睇吓係咩樣」。
資料來源：sellazy_store＠Threads
最Hit
