更新時間：19:48 2025-07-31
發佈時間：19:48 2025-07-31
發佈時間：19:48 2025-07-31
是想趁機搶錢還是見義勇為？本周二（29日）有市民用「無卡提款」方式，在港鐵站恒生銀行一部ATM提款機提款，未料竟被後方一名女子搶走現金，對方還大喊「啲錢唔係你嫁喎，你都冇插卡」。有目擊者在社交平台發帖分享事件經過，引發網民熱議。
據樓主指，他正在一個港鐵站的恒生銀行ATM提款機排隊提款，「隔離條隊有位男士用無卡提款，係現金吐出嚟個一刻，排個位男士後面個女人，突然伸手去攞走個位男士嘅現金」。該女子還大叫：「啲錢唔係你嫁喎，你都冇插卡！」樓主便主動向她表示﹕「佢用無卡提款。」其他人也幫助解釋何謂無卡提款，女子最後「先死死氣咁畀返啲錢人，走鬼咗去」。
網民稱已報警
事件引發網民議論，有部分人力挺該女子：「嗰位女士只是知識唔夠，其實都係一位見義勇為的人士。相信大部份人，如果見到別人用自己以為不合理的方式取錢，又唔係取自己的錢，可能都係唔出聲，唔理會。」
但更多人懷疑她想趁機搶錢：「就算唔知無卡提款，個（嗰）位女人無權攞走現金；也不是她的；這位女士乘機偷錢就真。」「D錢唔係個男仔，就會自動變成屬於個女人嗎？乜嘢邏輯？」「我覺得根本就唔係冇常識，佢係搶嘢呀！」有人甚至截圖聲稱已透過電子報案中心，代樓主報警。
此外，有慣於使用無卡提款的網民透露也遇過相似情況：「我都試過，之後又係畀個阿嬸鬧我攞人d錢，畀成個地鐵站d人望住。」
自2019年底開始，本港多間銀行便陸續推出無卡提款服務，當中包括匯豐、恒生、渣打、中銀香港和東亞等。客戶利用手機應用程式掃描自動櫃員機上的二維碼（QR Code）或NFC技術，即可提款。
來源：ckwong2234＠Threads
最Hit
