發佈時間：18:15 2025-04-30
要想享受一趟愉快的飛行旅程不容易。香港快運（HK Express）姓葉男乘客早前便發帖指，在從越南富國島返港途中，因為前座的男童在椅子上跳來跳去，導致他慘被滾水燙傷手，但當他斥責男童時，卻反被對方母親罵他「黐Ｘ線」。事件引發關注，涉事男童母親隨後主動聯絡《星島頭條》澄清，直指「葉先生嘅指控嚴重失實，完全係大話連篇」。
葉男日前在「HK Express 香港快運及旅行資訊關注組」FB專頁發帖講述事件，指他搭乘UO597航班返香港時，前座座位上的男童「喺度跳」，結果「搞到啲滾水淥咗落我隻手度，成隻手紅晒係要睇醫生」，但男童母親「對唔住都唔講聲，仲搵粗口鬧我」。
小童母親罵完傷者 再罵傷者家人
從其發布的影片中，可以聽到男童母親以粗口罵葉男「黐Ｘ線」，之後一名空姐輕拍其膊頭，似要嘗試調解。另一段短片的畫面則顯示，男童母親向後座斥道：「你收聲！」葉男解釋，當時該名母親正在辱罵他母親﹕「係咪有病，自己有錯，鬧完我仲要鬧我阿媽！」
小童父親加入戰團：就喺隔籬嗰行企起身鬧我
葉男隨後向《東張西望》反映事件，指男童父親也加入了戰團：「我鬧咗佢個仔兩句，跟住佢阿媽就發晒癲，企喺度鬧我。呢啲人真係有問題。整親人唔道歉都算啦，仲要講晒粗口咁。佢老公仲好笑，乜都唔知就喺隔籬嗰行企起身鬧我。」
他又向《東張西望》指，男童非常頑皮，不斷在座椅上跳，已令他的手提電腦多次跌落地上，未料起飛後他點了一個杯麵，結果又因男童再跳座椅，「搞到個杯麵啲滾水，淋咗落我隻手度」。最後他被調到航班最後一行就坐，機組人員亦為他沖洗傷處及敷冰。
網民籲報警 事主：佢冇打我報唔到警
不少網民留言敦促葉男報警備案﹕「報警，警察會搵到佢，航空公司有紀錄，唔會走到，搵定律師告條友。」「去報警，唔好嫌麻煩。」但葉男回應指：「佢冇打我報唔到警。」「依家乜都做唔到。」
香港快運致歉 ：不容忍任何機上滋擾行為
香港快運發言人則回覆《星島頭條》指，事發於4月27日，該公司經調查後得悉，涉事航班據報有一名未成年乘客於座位上跳動，導致後排乘客的杯麵溢出，並被熱液體燙傷，繼續引發爭執。期間，機組人員盡力調解和勸阻，並安排受傷乘客移至後排位置及為其處理傷口，之後亦有跟進受傷乘客的情況，確認其無需送院治理。
香港快運強調，保障每一位顧客的安全和權益是首要任務，不會容忍任何機上滋擾行為，同時就事件向受影響乘客致歉。
