發佈時間：19:45 2025-04-23
乘搭公共交通工具時切忽大聲說話，以免滋擾他人，這是禮貌亦是常識。不過，近日多個社交媒體平台上便瘋傳一名男子，在一列高鐵的車廂中不停以粗口辱罵一名上前勸阻的男乘客。影片引來大批網民熱議，不少人斥責男子此舉很失禮，「影衰香港人」。
有關影片的拍攝時間未知，畫面可見，一名穿白上衣男子正在用粗言穢語大罵一名穿深色上衣的男乘客，旁邊一名疑似白衣男女友的戴棒球帽女子則在嘗試勸阻他。從雙方言語中可得悉，男乘客似乎是因為白衣男聲浪太大而前來勸阻，卻遭到辱罵。
白衣男大聲罵道﹕「你要係大陸嘈交，定香港嘈交啊！」「你返翻埋位！X你老母！你住邊X度啊？」男乘客則態度平靜，企圖繼續勸阻：「唔係，唔係，即係咁啊，好似你老婆......」又無奈地說：「唔使咁大聲啊？！」
白衣男跟着用手指指向男乘客，喝道：「我畀時間你打電話去香港吹雞！」男乘客見狀，只能息事寧人：「唔使唔使！得得得！無事無事！唔好意思！唔好意思！」戴帽女子亦勸男乘客「返翻埋位」，「等我處理佢啦」。
疑似女友一句話 白衣男再被撻著
男乘客聞言便打算離開，未料此時戴帽女子對他說了一句：「你真係又搞笑啊。」卻又「撻著」白衣男，他再指罵男乘客：「你真係搞笑！係嗰度行Ｘ過嚟同我講嘢！」還挑釁說：「你係咪真係想嘈交！起弶啊！咪嚟囉！」男乘客便又上前表示：「即係同你講，你唔好咁大聲，知唔知啊？」
戴帽女子不斷居中勸交，並向男乘客說：「佢知㗎啦！」但白衣男仍非常憤怒，罵道：「X你老母傾乜X嘢啫！X完你仲行埋嚟傾計，你傻㗎？你定係個腦有問題啊？」男乘客這時靜默低頭走開。
高鐵職員勸交
畫面隨後一轉，一名高鐵女職員到場勸交，向白衣男說：「唔好嘈住先！一人少一句，先生！」但他仍繼續辱罵男乘客，女職員遂加大聲音：「先生！先生！唔好咁樣，一人少一句！」男乘客便離開，並離遠向白衣男舉手示意：「係！唔好意思啊！唔好意思！」
白衣男仍不死心，還拿出手機欲拍攝男乘客樣貌：「X你老母，過嚟影張相先啦……未X畀人打過啊！過嚟香港！」他邊罵邊回座位，女職員繼續好言相勸：「一人少一句，唔好鬧人，唔好鬧人好唔好？」白衣男則向她說：「佢係嗰車嘢過嚟同我講嘢喎，九唔搭八……」待白衣男情緒平伏後，女職員才離開。
網民籲報公安行政拘留
影片引發網民議論，不少人指責白衣男的行為：「這些人影衰香港人！粗口爛舌影衰身份！」「有個咁嘅男朋友真係失禮啦，躁狂症發作。」有人更指白衣男大鬧高鐵，擾亂秩序，已涉嫌違法內地法例：「做咩唔報公安呀？行政拘留返幾日先啦。」
另有網民就大讚男乘客表現克制：「嘩，呢個黑衣阿叔，睇落去真係好好脾氣，可能就係覺得畀啲咁嘅傻仔羅彩，費事同佢嘈。」
