發佈時間：19:27 2025-04-02
小小年紀便大膽行竊！旺角中心一間手機配件店日前遭竊，店主隨後將拍攝到兩名小童在店內偷竊全程的天眼影片，上載到社交平台公審，並表示已報警。不過，網民有網民認為涉事者是「細路仔」，店家應「叫佢哋歸還道歉就得，畀個機會人啦」。店家則解釋報警「唔係因為想致佢哋於死地，但至少都要畀個教訓佢哋」。
店家：睇佢哋手法同膽量 應該係慣犯
店家早前在Threads發帖指斥兩名小童為「小偷」，「咁細個學人偷嘢，睇佢哋手法同膽量，應該係慣犯」，又抱怨「宜家香港地做生意已經唔容易，仲要畀人偷嘢。」據店家指，兩名小童「試過落手一次，但唔成功，有同事行咗過去，跟住佢再扮睇其他嘢，再搵機會再落手」。
店家先後公開了兩段天眼影片，其中一段拍到一名背紅色背囊的小童與一名穿綠色上衣的小童站在貨架前，綠衫小童似在「把風」，兩人一路交談，神情自若，紅背囊小童將一件物品從包裝上取出後，用手機遮蓋並轉身離開。另一段影片則顯示，綠衫小童從貨架取走一盒平板觸控筆後，與紅背囊小童一同離去。店家指，綠衫小童疑將平板觸控筆「攝落手袖」偷走。
應否報警惹議 店家解釋箇中原由
雖有天眼影片佐證，但網民對於應否報警一事存在分歧。有人支持店家嚴正處理，「一定要報警由法官處理，今天不教將來仲難教」。但也有網民指，「佢哋只不過細路仔，唔洗報警搞大件事，樣你地都放咗出嚟，叫佢地歸還道歉就得，畀個機會人啦」。
店家則表示，當天已「刻意等咗大半日，睇下佢會唔會返返嚟」，最終「夜晚11點先報案」。店家強調：「其實報警唔係因為想致佢哋於死地，但至少都要畀個教訓佢哋。」又指「如果同事當場留意到，捉到佢，最多都係嚇下佢，未必會報警，但宜家捉唔到佢……就要用其他方法比個教訓佢哋」。
紅背囊小童母親登門道歉兼賠貨錢
店家隨後再發帖公布事件進展，指紅背囊小童的母親已於翌日「特登請假帶佢嚟道歉，同埋畀返件貨錢」，但綠衫小童則仍未現身。而由於紅背囊小童已認錯，「我哋都即時將冇打格仔嘅片下架，希望佢可以改過自新，大家都唔好再追擊呢位小朋友」。
