發佈時間：18:53 2025-03-24
夜歸的獨行女子須提高警惕！早前一名女網民在社交平台Threads發布長文，講述自己在港鐵南昌站的經歷，指有高大陌生男子搭訕並在扶手電梯下癡等，最終被她以一招擺脫。帖子引發熱網，不少網民大談自身類似遭遇，並分享具應對之法。
樓主﹕當時我真係好驚，手都震埋
據樓主指，事發於3月9日晚上，當時她獨自乘搭港鐵東涌線列車回家，下車時一名估計有1.9米高的「勁高嘅黑人」向她搭訕，說﹕「 hi……angel（天使）……sweetie （親愛的）……haloooo（你好）……」她當時有些害怕，沒有理會對方，並退後讓他先下扶手電梯。「點知，落到去見到佢企咗喺度，等緊我咁，嗰下我唔敢再行，亦都唔敢同黑人有眼神接觸，持續咗10幾秒到……」
樓主稱，幸而剛好有兩個女生經過，她即問對方是否可以「扮識我同我傾偈」，最後兩女陪她走了一段路，黑人便離開了。她坦言﹕「當時我真係好驚，手都震埋。」呼籲女生要小心。
網民支招自保
帖文吸引不少網民回應，有人指曾在南昌站遇上疑似同一名黑人﹕「我都試過，唔知係咪同一堆黑人／南亞裔。南昌站，跟咗我5分鐘，我帶佢遊花園但佢跟埋上車，我嚇到去到荃灣西落車再上第二個車卡。」
有網民則教授自保招式﹕「南昌站？嗰邊好靜。下次扮打電話即刻行去便利店。搵人幫手。」「不論日夜，自己一個出街就係要一眼關七唔好掛住玩電話。」
還有人告忠﹕「女生要好好保護自己」，建議「下次再遇到呢個情況，可即時找地鐵職員尋求協助，可以起到阻嚇對方嘅作用 。但有時站內範圍太大，未必即時搵到站內職員，你可致電附近警局（可預先download警方個app），說明你感受到危險，等警察到來。其間你盡量停留係大堂中央位置，可以見到上落乘客的 。最最最重要就係要俾對方知道你唔會怕事、你夠膽報警處理 。以後佢就會知難而退。」
其他網民亦相繼提出各式應對方法：「我會扮咳，咳到好似會傳播怪病咁。佢咁都唔走，會先call（打）手機扮有朋友接自己，再搵職員幫手。」「最好即刻打電話俾屋企人，再搵票務站職員。千祈唔好離開車站。有咩覺得危險可以即刻搭返地鐵。出咗車站會仲危險。」
網民分享類似嚇人經歷
有人分享了類似經歷﹕「我都試過類似的經歷，嗰次仲要係日光日白在旺角地鐵站，我都係即刻企喺多人的地方扮打電話，等佢自己走。」
另有網民寫道﹕「我曾經試過坐地鐵時，有2名南亞裔男子企近過來，其中一人故意用腳貼近過來，我輕輕縮開，佢繼續得寸進尺，我『摺』咗一聲然後睥住佢，佢仲係度陰陰咀笑，郁都唔郁 。我就係佢哋面前拎起電話打開警方app，轉成英文，再揀report（報案），然後搜尋最近警局位置 。佢哋見到我search（搜尋）警局map（地圖），嗰個挨埋過嚟嘅男人即刻企開啲，跟手佢兩條友就喺下一站即刻落車」。
但也有人認為﹕「個黑人其實都無做啲咩！佢可能見你個樣醒目想問路呢」。另有人打趣道﹕「嗰兩個女仔竟然冇懷疑你係迷暈黨？」
