發佈時間：13:09 2024-10-08
已故天后梅艶芳的72歲哥哥梅啟明近日驚爆第三度結婚，宣布泰籍女友查頌美（May May）將成為新梅太，預告將於周四（10月10日）舉行記者會公布詳情。梅啟明突然高調公布再婚消息後，其大馬「前妻」Joey卻踢爆二人根本未搞離婚手續，若他再娶就是重婚，梅啟明則堅稱對方早已「搞離婚」。梅啟明聲言希望懸紅找出被姪仔梅柏麟「軟禁」的梅媽，昨日（7日）梅媽終透過好友開腔。
相關內容: 梅啟明發窮惡(上) │嫌攞阿梅遺產攞得少 | 梅啟明發窮惡(中) 梅啟明否認爭產同貪錢 | 梅啟明發窮惡(下) 梅啟明否認係「躝癱」
梅啟明聲稱梅媽支持再婚
對於梅啟明聲稱梅媽很支持他再婚，幾年前送過價值十多萬的手鈪予May May，又指梅媽現時處境危險。對此，近年經常稱代梅媽發聲的《娛樂小奶媽》主持潘小文，昨晚開直播時都有談及此事：「Auntie（梅媽）唔知道佢結婚呢單嘢，事實上佢都唔想再見到呢個人（梅啟明），成件事我哋好可以肯定一樣嘢，呢條粉腸係趁梅姐10月10號生忌要搞事，Auntie知道咗好唔開心，好唔高興！佢話叫Auntie出嚟主持大局，佢想吓得㗎喇，Auntie冇乜嘢都唔想再見到呢個人。佢問Auntie攞首飾呢樣嘢，Auntie都講，基本上過去嘅時間，有金飾、有金器都已經攞晒畀佢打官司，邊度有錢有呢啲金飾？梅生你可以慳啲，你老母唔會理你。」
潘小文稱梅媽得到適切照顧
潘小文又指自己代梅媽報平安否認被禁錮，且得到非常適切照顧，拒見梅啟明是刻意避開。潘小文在節目中指：「佢話唔知Auntie搬咗去邊，點解會唔知？因為你過去咁多年，只係為咗問Auntie攞錢。你記住之前做過嘅嘢，點樣搵槌仔揼爛屋企所有鎖，Auntie今時今日都歷歷在目。Auntie搬咗之後，你日日走去人哋屋苑大吵大鬧，人哋屋苑都唔能夠有落腳地方，梗係搬屋，你話Auntie俾人軟禁，你老母冇俾人軟禁，佢生活得好好！麻煩你唔好再攞Auntie製造新聞，呢個係好嚴厲嘅忠告。」
風騷上台獻唱《鬼馬雙星》
至於周圍揾阿媽的梅啟明，早前接受《東周網》答問大會時，他強調自己並非大家眼中和印象中那麼差，只是梅媽老眼昏花、頭腦不清而被人迷惑。至於，主持人問他覺不覺得自己很貪錢？他就話：「我梗係唔貪錢，我一啲都唔貪錢，你估梅媽真係比好多錢我用呀？得嗰幾萬蚊，有好多開支，真係唔夠用呀！」訪問期間，梅啟明表現得非常風騷，更主動上台獻唱《鬼馬雙星》。
