更新時間：15:56 2026-05-16
發佈時間：15:56 2026-05-16
發佈時間：15:56 2026-05-16
今年27歲的《聲夢傳奇2》十強參賽者劉詠彤（Angel），比賽時憑着歌精舞勁勇奪「超越進步獎」。2020年可謂Angel的人生轉捩點，當時正在澳洲留學的她，得知母親第三度乳癌復發，面對至親病重，她毅然決定放下學業回港陪伴，但卻成就了她參加《聲夢2》的契機。
然而，母親在2023年不敵病魔撒手麈寰，為了不負媽媽的期望，Angel更加努力打拼，希望在演藝界做到一點成績。為了增加曝光率，她早前便參加《魔音女團》的海選：「其實，我都係想多啲人留意，同埋之前我喺《聲夢2》日日都可以唱歌排舞，好開心！我希望可以重拾當年咁樣，所以先至參加《魔音》。不過可能唱得唔夠『難聽』，最終就冇得入圍，哈哈。」
剛播畢的TVB重頭劇《正義女神》，Angel就飾演一個極具挑戰性的角色，她憶說：「因為以前我俾人欺凌過，所以我知道點樣欺凌人。喺香港讀書嗰陣，我就成日俾人欺凌，例如佢哋會開咗我嘅儲物櫃，然後丟晒我入面啲嘢，亦都試過用一個煮熟咗嘅杯麵淋落我個身嗰度。我去搵老師，但係老師完全唔理，就係因為咁我先要過去澳洲讀書。」另外，Angel還在新劇《玫瑰戰爭》飾演女團成員，在劇中載歌載舞，她笑言：「我好期待呢套劇嘅播出，因為我都覺得自己做得唔錯。」
最Hit
