發佈時間：10:00 2025-06-08
英國有人為買Labubu打交，香港就有一堆人在專門店未開門前，已經排隊等候，希望幸運之神降臨，心儀的Labubu公仔會返貨突擊開賣。
98年港姐冠軍向海嵐（Anne），和勝意龍、佰勝金龍等系馬主葉愛倫（Helen），都入坑愛上儲Labubu公仔。兩人緊貼潮流，追到上月發售的第三代「前方高能」盲盒系列，一個靠朋友開心分享而擁有，一個就靠自己抽中。雖然她們與炒價約2,000港元的隱藏版「本我」無緣，但能擁有一隻難求的第三代，已經好叻豬，「盲」追得開心。
向海嵐意外入坑
向海嵐由細到大都喜歡毛公仔，小時候試過有一隻霸佔了半張床的大狗公仔。她笑言當初講過不會入坑鍾意Labubu，覺得「咁多人一齊追，搞乜自己都要跟住？」怎料因為她幫一個溫哥華朋友周圍撲，身邊朋友誤以為她喜歡，結果送了兩隻給她，令她「中毒」。
「人生第一次開盲盒，係新年時經理人經過專門店，買咗原箱第二代『坐坐派對』。佢話送兩盒畀我，叫我揀，居然第一隻就抽到隱藏版『趣多多』。」
為了擁有心頭好，Anne試過上網鬥快搶購，又試過登記抽，但統統撲空，幸好身邊總有愛錫她的好友。「好似呢隻『國王』，係朋友去機場送機時，見到好多人拎住專門店嘅紙袋，覺得有古怪，於是同細妹去望下。我哋有個Labubu群組，朋友覺得每人都要有一隻，就問店員可唔可以買多隻，但店員話限購，有閉路電視影住唔得。朋友惟有捉埋爸爸幫手，前後買咗3隻。」
大大隻的大首領和大天使，是她看過BLACKPINK成員Lisa的介紹後而心動。說到興起，她更即席扮對方教大家分辨Labubu和Zimomo，似模似樣。
葉愛倫姪女幫拖
馬主兼兩草餐廳老闆娘葉愛倫，因為女兒Hazel而留意Labubu，去年底正式入坑開始儲，有齊粉絲必備的一代、二代，甚至新鮮滾熱辣推出、香港已斷市的第三代。「第一代『心動馬卡龍』，好幸運抽中咗隱藏版『栗子可可』；到上月登記抽第三代，諗住有就有，冇就冇，結果又第一次抽中原箱6盒。我鍾意紫色『幸運』，阿女就鍾意粉紅色『忠誠』。」
她閒時會買Labubu衫仔，當作跟女兒的親子活動。回想第一隻入手的Labubu，原來並非毛公仔，而是figure。她說：「上網見到有瑜伽系列手辦，覺得細細隻幾得意，於是買埋個展示盒，方便擺。」
Labubu珍藏堆滿枱，Helen的入手方法除了靠本身幸運抽中，也有幫襯代購和多得姪女幫手。她笑咪咪地說：「隻大甜心Mokoko最難入手，我搵代購買，貴少少，$1,000內，如果太貴就唔會買。小春、泰妹、魚尾獅都係搵代購，我又唔驚買到假貨，因為佢會提供單據，同埋我又有幫襯開佢買手袋，覺得信得過。」
居於澳門的姪女，是她的幸運星，幫她抽中大首領、國王和皇后，「佢仲教我如果想中『可樂系列』隱藏版，可以摸個盒前面，同埋留意個盒嘅重量會唔同喎。」買盲盒買到有心得，真粉無誤。
延伸內容：《我們的青春日誌》獲獎慶祝 向海嵐強尼期間限定演出 江嘉敏首登音樂劇舞台
延伸內容：原來不是 向海嵐
《東周網》訪談系列節目《星桄伴我心》5月重磅嘉賓：
即睇：魯振順八級鋼琴，出過唱片，手揸兩層樓 曾割脈斷9條手筋：「我對唔住媽媽！」
即睇：陳國邦被評為「懷才不遇之星」：係咪真係去擦鞋就得？爆杜琪峰出一招教戲 再爆同周秀娜接吻感受 更爆羅敏莊曾離家出走
即睇：盧冠廷驚爆李香琴嫁盧爸做後母 再爆同李小龍秘密關係 大爆BB話御妻術：直情浪漫到嘔電
即睇：羅敏莊揭陳國邦屋企真面目 爆黃日華改名黃日謙 教講趣味泰文 https://bit.ly/44GLSnu
