發佈時間：16:58 2026-06-07
ViuTV 劇集《Court! 》演員艾文今日在啟德遇上貓咪被困汽車車底，出手救援後又發現車頭引擎內有另一隻貓，立即call消防，上演一場消防員英勇救貓片段，艾文將過程拍攝放上threads分享，大家都大讚艾文和消防員！
路過先救一貓 再call消防救另一貓
艾文今日在threads 發文：
「想分享！頭先中午12點幾，教完波去食嘢，行經啟德沐頭街，無啦啦見到隻BB貓喺私家車下面行嚟行去。附近有個細路仔望住佢哋，我問佢係咪佢嘅，佢話唔係；再問車主，佢話唔知自己架車下面有貓！
我捉咗其中一隻放喺側邊，然後點知聽到車下面有第二把聲，搵嚟搵去都搵唔到。我即刻打999，佢哋叫我打動物救援熱線。救援中心話佢哋可能趕唔切，建議打俾消防員。好彩消防員即刻到場！
我捉咗嗰隻BB貓佢竟然自己爬返去車下面一直叫，應該係喊佢兄弟出嚟。
消防員聽到聲但一時見唔到，之後打開車engine，入面熱到嚟嚟，我真係好擔心隻貓點樣捱得住。佢哋搵咗大約5-10分鐘，終於成功救出第二隻！」
大讚消防員專業
「消防員即刻為兩隻BB貓做急救，又餵水又俾oxygen。我之後再打俾動物救援，佢哋啱啱接到貓，正在檢查。希望兩隻bb貓冇大礙，可以健康開心成長。
多謝消防員叔叔迅速到場同專業救援！ 真係好專業，好有愛心！」
大家大讚消防員應勇救貓外，事實上樓主艾文也是英雄，他除了在劇集《Court! 》飾演愛貓男，回歸現實生活中，這次亦是真真正正的救貓英雄，多謝你喔！
土生土長巴基斯坦裔大學生
艾文原名Ahmad Ahtisham，是巴基斯坦裔人士，他在ViuTV劇集《Court!》中，毫無演出經驗的他挑戰一人分飾「李天藍」與「毛漢寶」兩個性格截然不同的角色。他將疑犯阿藍的無助委屈、以及真犯人阿寶的古惑囂張演繹得淋漓盡致，被劇組監製朱淑儀公開讚譽為「天才演員」，導演吳家偉亦給予高度評價。而他與暹羅貓比比演對手戲，亦令人感到他是愛貓暖男。
他在劇中的獨特對白（如「佢光大Wa」）及口頭禪「Law Law~」在香港網絡上掀起熱話，成為近期備受矚目的潛力新星。
艾文是香港土生土長的巴基斯坦裔大學生，曾就讀香港理工大學，大家可到以下社交帳號瀏覽艾文的日常。
