發佈時間：18:38 2026-02-04
好心自有好報，昨日傍晚風水師端木師傅Sunny駕車經過西隧遇塞車，發現有貓貓在西隧行車管道內盪失路遊走，即時爭取塞車良機停車救貓，期間雖然被小貓抓傷，但總算順利救上車。他將此救貓奇遇在threads發布，網民大讚善舉之餘更留言指師傅家中兩貓是「書香世代」及「前清格格」，大可收編此小貓成為三小姐，師傅打趣回應「可惜佢爸爸並非銀行家」。
救貓奇遇發生在昨日（2月3日）傍晚，端木師傅向小編講述經過：「當時大約6時49分，是下班交通繁忙時段，西隧非常擠塞，行車緩慢至幾乎要完全停頓，突然離遠見到有一團小黑影在路上，初時以為是老鼠，後來當車逐漸向前行駛移近小黑影，終於看清楚是一隻小貓....」
當時剛好有一個安全距離可以停車，於是師傅立即打死火燈停車然後飛快下車救貓，當他雙手抱起小貓時因貓咪掙扎而被抓傷，不過都不要緊了最重要是將貓平安救上車。過程由坐駕駛席旁的太太拍下。
小貓跟師傅回家後先安放在貓箱內，並用布蓋上免小貓受驚。同時家中有兩名原居貓民，亦要有適當隔離。從師傅上載的照片可見家巾原居貓對小貓十分好奇，在貓箱外隔着布幔探視小貓。
地面上的小精靈
端木師傅將這段西隧救貓奇遇放上社交網站threads，大批網民留言致謝。
「多謝你執起佢呀，祝你泊街永遠有位，泊停車場永遠最近𨋢位。」
「好人一世平安人 如果唔嫌棄的話想送一次寵物家居滅蟲防蟲服務比你，答謝你義無反顧地救左一個小生命！」
「好大機會隻貓B喺車底跌落嚟㗎！因為近排天氣凍，啲街貓會上車底避寒，早幾年我都喺觀塘道親眼見到隻貓喺私家車底跌出嚟！我都好似你咁即時截住啲車衝出馬路中間救貓！」
「出現係隧道估計係地面系屬性小精靈，預祝樓主收服成功，一家大細幸福美滿，貓貓可以叫佢「立春」」
很多網民都請師傅收編小貓，師傅回覆說帶小貓見獸醫檢查，確定沒晶片沒有主人的話便會收編。
佛祖引領遇上貓
有網民更打趣說師傅家中兩隻貓係「書香世代」同「前清格格」，收養呢隻小貓成為三小姐就最洽當。師傅回應：「但係佢老竇唔係銀行家。」哈哈。
亦有網民留言既然小貓在西隧救起，不如改名做「西隧」，師傅回覆指太太建議小貓改名叫「西西」。
師傅回覆記者查詢時，提到駕車時手握佛珠一路誦經，故相信遇上及拯救小貓是緣份。師傅家中兩貓都是從義工處領養，都有長期病，今次自己救命係人生第一次，亦有心理準備如小貓有健康問題都會盡力照顧。幸好今早帶小貓見獸醫檢查身體，確定健康，小貓亦沒有晶片，會正式收編。
貓仔屬金 想改名叫「金仔」
端木師傅今日下午5時最新update，報告貓貓已見完獸醫檢查：「無晶片，男仔，估計未夠3個月，體重唔夠要食肥啲先可以打針，肯食野，有屎屙
由於我個仔已經同全學校講晒屋企多咗隻貓，好難唔收編，而家就係煩惱點改名
因為喺西灣河睇完風水，回程喺西隧執到佢，所以屋企人提議話叫 西西
尋日執到佢嘅時間係酉時（18:50左右），屬金，年月日時地支金旺，「西」方五行又屬金，諗緊不如叫 金仔（話晒都係猛人）」
人仔名改得多，貓名第一次
Thread友有咩建議」
