發佈時間：18:27 2025-12-03
可愛的天竺鼠以俗稱「T草」的提摩西草（Timothy Hay）為日常主食牧草。一位大意飼主昨日（12月2日）在threads發文，原想買公斤T草給寶目們，怎知手殘訂了60公斤，送到家時發時成個床頭櫃咁大，並貼上家中4隻寶貝眼光光相片，急問究道食到何年何月才食到完？
精打細算變大懵訂草
天竺鼠寵主Ulrica的帖文說：
「60kg睇錯做6kg，要食到幾時..」並貼出60公斤T草及四隻一臉問號的天竺鼠愛寵相片。
到底寵主為何會買這麼多T草呢？她回覆：「關於邊度買同埋邊度訂我一次過回覆～
我喺同廠直接拎（原材料唔會有牌子名🤣），本身諗住攞6公斤返嚟試吓水溫睇吓靚唔靚🤣靚嘅話就夾好人然後一齊買60公斤返嚟分，結果就係我眼大睇過龍🤣
廠同我講批草係來自加拿大 色澤同埋香味我覺得同香港某幾隻市面牌子係一樣
如果各位有興趣嘅話可以同我一齊分呢60公斤先🤣之後覺得唔錯我哋可以開T草團分草。」
Ulrica續解釋直接向廠購買原因：
「我屋企四隻天竺鼠草嘅消耗量一個月係5-8kg，當中有八成都係俾佢浪費踩
喺腳度，一個月淨係買草已經用緊500左右。咁我都有買過淘寶嘅T草俾佢哋墊腳，但好XX嘅係佢哋竟然走去食淘寶隻草，然後食到屙爛屎。我計過條數一年都成＄6000蚊，但係我買呢隻原包裝60公斤連運費送貨上門都係$1600-1800左右，訂得多仲有得平，條數計真係抵好多。」
本來精打細算，但最後下單時，卻訂了60公斤。
60公斤T草究竟體積有多大？Ulrica回覆小編說：100x80x70cm，差不多成個櫃咁大。
脆友：實現隊草自由
帖文引來脆友熱烈兼爆笑回應：
「以後人地問你撈咩 你可以好自豪話：『我賣草嘅』」
「純唔純？散唔散賣」
「成為了T草富翁班豬仔可以日日放題」
「拎去賣/分好d咁多感覺四個小朋友食到來年回南天都得食個皮外傷」
「我兩隻買5kg都食幾個月」
「60kg無限黑豆」
「我屋企5kg應該食得一個月左右 佢哋九成都係晒草唔係食炒炒」
「可以問人上唔上黎我屋企隊草…」
「我用鼠鼠角度：Jap Jap Jap 呀」
「隊草自由呀」
「我見到佢地呢幾位絕對有能力幫你食咗呢60kg嘅草」
「好勁，養鼠養到買草，下一階段開個牧場俾鼠鼠住」
4天竺鼠寶寶家庭成員
至於寵主Ulrica家中可以實現「隊草自由」四寶貝分別是：
黑色天竺鼠名叫豬豬，是家中老大，2021年12月入門，對其他鼠好惡，日日都打架要自己一隻住。
奶黃色的叫奶茶 2022年1月入門，性格好，是一隻傻仔，鍾意八卦伸個頭出嚟：超級無敵浪費草。
加州黑色鼻，名叫老婆，2025年4月入門，全屋唯一隻女將，所以乜都大晒；好乖，成日都笑口常開，識得定點屙屎。
棕色天竺鼠名叫金豆，2025年11月1日出生，是豬豬同老婆生出來嘅仔；性格好活潑好堅強，超級健康，不過驚人。
天竺鼠的「T草」是乜東東？
天竺鼠的「T草」是指提摩西草 (Timothy Hay)。它是適合成年天竺鼠的日常主食牧草，因為其高纖維、適當的鈣質和蛋白質含量，有助於消化和磨牙。提摩西草應該以無限量供應的方式提供給天竺鼠，並每天更換新鮮牧草。
為什麼提摩西草適合天竺鼠
高纖維： 幫助消化系統健康，預防腸道問題。
助於磨牙： 幫助磨掉天竺鼠不斷生長的牙齒，特別是臼齒。
營養均衡： 相較於其他高鈣牧草（如苜蓿草），提摩西草的營養成分更適合成年天竺鼠，可以避免攝取過多鈣質引發結石的風險。
如何為天竺鼠準備提摩西草
主食： 提摩西草應該是天竺鼠飲食中佔比最大的部分（約75%）。
無限量供應： 應確保天竺鼠隨時都能吃到新鮮的提摩西草。
每日更換： 每天都要更換新的提摩西草，並清除不新鮮的草。
