發佈時間：11:00 2025-12-01
大埔宏福苑五級火中，消防員除了救人救火，亦救出很多住戶視為家人的寵物，其中一位寵主的15歲老狗由消防員救出後，消防員透過社交帳戶通知去接回，寵主衝到現場發現由經常出動救鳥的動保女神郭秀雲緊緊抱住受驚的愛寵。寵主昨日（11月30日）在threads 再次發文感激消防員救了愛寵，更貼出消防員Facebook Messenger的對話內容，網民看後都感受到超級暖心的消防員愛護動物之心。
知道火警後即趕回現場 已被圍封
寵主Jacky是宏建閣高層住戶，26日火警發生當天她如常上班，下午二時半火警發生，她知道消息後立即趕回大埔宏福苑，當時已經烈火熊熊，現場已被圍封。她非常擔心家中15歲愛犬Jason，在現場她除了向警察、愛協及關注動物福利聯盟報告Jason受困外，亦在社交網站發佈狗狗被困的消息，希望救援人員能拯救狗狗：
「小狗灰色小貴婦 Jason 獨自喺屋企
我晏晝3點已仆返大埔
去到樓下但已封唔俾入
madam帶咗我去安全位置
已報消防同警察都報了寵物義工隊
盡量平常心 冷靜 等待
我堅強地喺馮梁結中學禮堂等緊消息
如果有任何消息 或者見到有狗狗被救
出
可唔可以聯絡
消防員要先照顧好自己
願天父守護每個生命」
消防員暖心對話
心急如焚徹夜無眠的Jacky和其他重主一樣默默在樓下等候，終於在翌日收到現場的好消息，只狗狗獲救，同時他亦收到拯救狗狗。消防員透過FB Messenger聯絡她，以下是11月27日Jacky與消防員先生的對話：
「我帶咗jason落去愛協站嗰邊架啦，你聯絡佢地吖，佢初頭好驚，我慢慢氹佢抱佢，最後佢好配合入籠。」
消防員續說：「佢好努力叫（吠）我地開門
聽到聲之後確認係有動物，於是我哋入去救佢落去」
Jacky：「真係好多謝你哋」
消防員：「生命得來不易，希望大家可以繼續相愛相惜
anyway，開頭唔知叫叫咩名，但係見到你幅牆上面貼咗Memo紙寫iason」
Jacky：「感激你救返 Jason
多謝你哋用你哋嘅生命去救我寶寶」
消防員用生命拯救生命
接回Jason的寵主，現時站着父母家。雖然Jason外表沒有損傷，但為安全起見， Jacky帶了Jason做健康檢查，慶幸一切無恙，
「Jason 健康檢查，超聲波同 x ray肺、氣管、胸腔、心臟同驗血 all冇事，健康的，只係有少少脫水，醫生話大致上良好，因為好精神生猛，跑得快，又好食得，脫水要俾時間慢慢恢復，大概一至兩星期。」
Jacky想透過東周刊向消消防員表達謝意：「第一，多謝佢哋用自己生命拯救生命，用生命影響生命；
第二，我想請救 Jason 嘅消防員食飯」
多謝郭秀雲抱緊狗狗
憶起當日情況，Jacky想再次多謝到現場協助的郭秀雲小姐。
「我喺廣福邨一個公園接Jason 的，佢俾郭秀雲小姐攬住坐喺地下等我。她見Jason獲救後在籠內係咁震，見牠好驚又凍，所以攬實安撫兼保暖。
見到Jason 第一眼嘅感覺係。。。。奇蹟又再發生，感謝主！」
當時寵主只知道眼前抱住愛犬Jason的善心人自稱Sharon，其後才發現是郭秀雲，真的十分感激她。
灰色的迷你貴婦狗Jason 今年已15歲 ，Jacky稱自己是Jason的best friend。她形容Jason平時性格由細到大都極度細膽，喺屋企時成日都要抱，今次之後，冇特別對 Jason 承諾乜嘢，我哋好好活着就好！」
