發佈時間：17:33 2025-11-19
獨立義工「小玉谷」昨日在氣溫急降下接連救了三隻貓，其中一隻名種貓下身尿道口至屁股嚴重潰瘍急送院治療，另一隻名種貓疑似被遺棄或走失，先出帖希望可以尋主人。
只有一人的動物救援組織「小玉谷 粉嶺某村浪貓療養院+托兒所」，昨日在面書發帖交代最新拯救兩隻貓的情況。
尿道口至屁股潰爛
第一隻是疑似英短幼貓，小玉谷帖文說：
「求助人喺唐公嶺垃圾站見到佢坐喺草叢邊，完全唔怕人又任摸，點知摸摸下見唔對路，見佢屁股同jj位附近似乎都爛哂有臭味😱 就即刻帶去診所檢查先.
醫生檢查完後發現小朋友成個咕咕位已經爛溶溶🥺
個肚谷住一大泡尿，而傷口爛既程度已經冇得救必須要盡快做手術😭🤦🏻♀️ 但重建尿道等於變性手術，要將爛既位置切除哂再重造，手術難度超高，所以幾經商量決定試下問張醫生肯唔肯幫忙(實在太急未必有期)
🙏🏻非常感激診所經理幫忙聯絡Npv張毅敏醫生，約到今天一早十點帶貓去俾佢睇左先，再商量點做🙇🏻♀️」
由於貓貓情況嚴重，做計要清創及有可能要做尿道重建手術，小玉預計指出動到外科聖手張醫生，手術費連術後治療相信要三至五萬，加上之前的多個住院個案及一隻需要搞取眼球的貓BB，希望有善心人能資助醫療費。
如可支援醫療費，請將款項存入以下戶口🙏🏻🙇♀️
(敬請留意戶口號碼及轉數快號碼已改)
FPS
123893067
沒有Payme
渣打銀行
40919951538
Tsang Hxxx Yxxx
如想了解該貓情況，可瀏覽：小玉谷 粉嶺某村浪貓療養院+托兒所
長毛布偶瑟一角
另一個求助個案是一隻疑似布偶貓，小玉谷帖文說：
「附近村民喺起緊屋既地盤河邊搵到呢個長毛妹妹，寒風刺骨縮喺一個角落成個鐘唔敢郁，但佢自己冇地方隔離於是出post求助...
我見到佢就喺5分鐘腳程距離，冇理由出面區啲接哂，自己區既走失唔接架😅於是乎就應機接左先，雖然我唔確定佢主人會唔會搵，就算主人來搵都好近可以接返貓回家...
好彩有好心人執起佢，今晚真係好凍仲勁大風，留喺街一定冷病😣
帶左去診所掃晶片，做個簡單檢查驗下有冇傳染病，冇大問題就帶左回家出post尋主人啦～
如果兩星期都冇人搵就會出領養了。」
如想了解該貓情況，可瀏覽：小玉谷 粉嶺某村浪貓療養院+托兒所
