發佈時間：15:17 2025-10-25
在「老有所依動物村．洪家棣」（彭秀慧導演颱風期間暫託洪家棣動物村的宵公子，最後領養）有一位金毛尋回犬名叫「智障」，多年來一直守護住動物村大家庭，近年因年老乏力無法步行，整天伏在地上悶悶不樂，動物村創辦人洪先生及洪太希望為牠籌款購買一部輪椅，好讓「智障」能重新站起來步行，重拾歡樂狗生。這位金毛阿伯忠心耿耿，2018年颱風山竹吹襲香港時，動物村被嚴重破壞，期間洪先生在場內被硬物擊中頭部暈倒昏迷，而洪太當時在另一位置與洪先生失聯，及後報警由消防員來救援，正是由金毛尋回犬「智障」帶領消防員找到暈倒的洪先生，將他送院救治，「智障」真的是大英雄！
隨着日子過去，「智障」也漸漸年老乏力，近數月更是無法站起來，洪太和場內義工帶牠去針灸丶做復康運動、接受高壓氧治療等，可是都沒有太大幫助，「智障」仍然無法回復步行能力，整天伏在地上，悶悶不樂。洪太與物理治療師商量對策，希望為「智障」購買輪椅，幫助他步行。
發帖籌款助買動物輪椅
「老友所依動物村」義工昨日在面書專頁發帖希望大家幫忙：
「相信入過嚟狗場嘅朋友都會記得智障，一個活潑好動嘅小朋友，最鍾意就係有人陪佢跑跑跳跳，陪佢玩。
今年，智障突然雙腳冇力，連自己企起身都好難做到，帶過佢做身體檢查，照咗X-Ray所有骨骼正常。雙腳嘅冇力，有可能係因為年輕時候曾經患過狗瘟所導致，所以而家開始年紀大影響咗神經系統。」
洪太這段時間一直帶牠做治療，包括針灸、高壓氧，而下星期約了物理治療師上門，希望智障復健之路可以見到曙光。
輪椅約價$6700
「而智障自己，因為冇辦法再行走，只係每日瞓喺度變得悶悶不樂。因為咁樣所以洪太查詢寵物輪椅，由於智障身形偏大隻，所以需要一部比較穩陣嘅輪椅，治療師建議walkin pet 輪椅相對會比較穩陣安全。我哋找咗一間公司查詢，以智障size加埋配件未計運費都需要$6700，唔知會唔會有朋友願意幫手贊助智障購買呢一部輪椅，等佢唔洗每日只係瞓喺度，可以坐上輪椅喺花園行走，重拾返快樂嘅記憶。」
現時動物村所有動物都已經10歲以上，平日照顧都需要盡心盡力。近年由於經濟不景，捐款亦少，多年前在颱風期間受傷的洪先生，這些年來都不能於行，然而為了動物村，洪先生勉強撐着身子再次開工賺錢，以維持動物村內狗狗的生活開支。
行動不便場主做燒焊工 賺錢支援動物村開支
義工早前就發帖告訴大家：
「見到呢張相大家會諗到啲乜嘢？
職安真漢子？定係好奇點解我會放一張完全唔關狗狗事嘅相片？
其實呢一位就係動物村咁多位老友嘅爸爸（洪生）
點解洪生一個受過腦同頸椎重傷，連行路都唔穩陣嘅老人家會走咗去做燒焊？皆因為動物村已經應付唔嚟，面對住各種開支，加上各位老友因為年紀大開始出現好多唔同嘅身體問題，所以洪生就走去嘗試做返自己嘅老本行，希望可以賺取微薄嘅收入以應付種種開支😔」
望積少成多 幫忙度過困境
「因為洪生算係一位有傷殘嘅人士，所以要開足工係沒有可能，地盤只能夠有限度咁比洪生去開工，可以話根本唔足以應付動物村日常嘅開支。我哋其實都理解唔到，一位經常頭暈，好多時連企都企唔穩，早排仲因為開工時跌親嘅老人家點解可以有咁強嘅毅力去堅持開工，而洪太每日都要好擔心洪生嘅安危，不過在經濟壓力之下，佢哋冇辦法唯有接受現實。」
義工希望有有緣見到上述相片人士，有能力的，希望可以出一分力，捐助動物村動物日常生活所需，及幫智障籌集善款購買輪椅，在積少成多下，捐助少少幫下呢個動物安老院🙏🏻🙏🏻🙏🏻
恆生銀行255-838344-001
Animals Home Ltd
FPS ID：107141889
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
