發佈時間：18:26 2025-10-15
無論遺棄或走失導致動物流浪都是不負責任行為。半年前一隻懷疑走失的英國短毛貓在土瓜灣流浪，好心人餵飼多月終救了入室，然而這隻流浪多時的母貓已懷孕，日前胎動但難產，貓貓送院剖腹，獸醫發現貓貓出現罕見的子宮扭轉，全部BB夭折。慘劇揭示流浪動物的悲歌！而造成不幸的正正是不負責任的飼主！
出現罕見子宮扭轉
獨立義工Joey在社交網站threads發帖訴說這宗悲劇的前因後果：
「半年前，有街坊話土瓜灣13街某唐樓有隻幾個月大嘅品種貓流浪，當時唐樓外牆維修，貓貓就喺棚架上面遊走，增加救援難度，求助人逐步引貓貓入唐樓裏面定點餵食，終於喺7月12號晚我哋救起咗貓貓。
由發現，直到我救起，貓貓（改名灰灰）已經流浪咗有5個月，佢好瘦，毛髮稀疏，樣貌滄桑，完全唔似一隻未夠一歲嘅小朋友，一段時間後發現佢有咗BB，9月7號下晝4點幾，見到灰灰有個胎出唔到嚟，即刻聯絡獸醫診所送灰灰過去，去到醫生話要即時開刀，灰灰手術後，醫生話灰灰發生罕見嘅子宮扭轉，所以全部BB天折救唔返，而灰灰亦因為難產開刀，加上子宮扭轉嗰邊早已夭折嘅BB產生嘅毒素，導致灰灰有嚴重貧血同嚴重發炎，連灰灰都有生命危險，醫生打咗造血針，另外要每日比4次補血supplement，而灰灰亦都好爭氣，休養咗一個月，就回復精神。
多謝上天眷顧呢個小朋友，俾我哋順利喺佢有咗之後捉到佢，亦喺佢難產嘅時候咁啱放假喺屋企可以救到佢，更俾佢喺嚴重貧血之中可以咁快康復，證明呢個小朋友命不該絕，遲啲幫你揾個好屋企。」
謹慎看管 勿讓動物走失
原在家中生活的動物，因飼主疏忽讓牠們走失、流浪，或飼主無情棄養，有家的孩子變成無家的孩子，生活會有多艱難？吃不飽，被逼風吹雨打，沒有絕育的在外繁衍下一代，除了懷孕期間因生活艱苦致腹中BB發育不良而容易夭折，在惡劣環境下出生的幼貓幼犬亦難以長大，所以作為飼主，請為家中動物做好安全設施，養貓的必須要有安全窗網，狗主帶狗外出時亦牽緊及選擇安全狗繩，每次出入時都要看緊門口，以免動物有機可乘而偷走。
上述救援灰灰的獨立義工本身照顧很多貓貓，不少需要治療，負擔很重。今次灰灰手術費逾萬，如有善心人想資助灰灰手術費，可循社交網站threads聯絡義工Joey。
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
