發佈時間：19:03 2025-09-18
昨日發佈的《行政長官2025年施政報告》宣佈即將放寬限制，容許食肆申請牌照，讓狗狗進入餐廳，身為敘福樓集團的主席及行政總裁的黃傑龍，管理旗下有13個餐廳品牌超過30家食店，加上家有柴犬，是愛狗人士，立即在面書專頁「黃傑龍 Simon - 窮富翁 好人好事」發起民調，詢問大家意見應否申請准許狗狗進入的牌照，回應網友有逾6成支持在個別餐廳作試點。
敘福樓集團旗下有13個餐廳品牌
黃傑龍昨日（9月17日）在面書發帖文：「純粹喺概念上了解吓大家嘅想法，如果我公司將來會申請狗狗可以進入的牌照，初步大家有咩睇法？」並例出三大選項，包括全線或大部分餐廳申請、全線餐廳不申請、策略性例如牛角個別地區選擇一間作為歡迎狗狗餐廳，短短兩小時已有超過2千人投票，結果如下：
| 全線或大部分餐廳申請 | 26% |
| 全線餐廳不申請 | 8% |
| 策略性例如牛角個別地區選擇一間作為歡迎狗狗餐廳 | 66% |
黃傑龍是敘福樓集團的主席及行政總裁，他的父親黃耀鏗是敘福樓創辦人之一。旗下13個廳飲品牌超過食店，包括大受歡迎的牛角、溫野菜、挽肉と米等，如果當中有部分能開放給我等狗奴，小編第一時間訂枱幫襯。
不過，亦有不少人有擔憂，包括狗主和非狗主顧客。以下是部分網民意見，
「如果你開高級茶記/西餐廳/cafe/coffee shop，我會支持申請狗狗可以進入的牌照，燒肉、火鍋就不了」
「我覺得應該搵一間可以有露天平台嘅位置做餐廳. 我本身唔抗拒寵物，不過有啲朋友會有狗毛或者貓毛過敏. 所以唔好間間申請. 揀啲可以帶寵物嘅location/商場就Perfect🥰」
「本身我自己我唔驚狗都唔抗拒狗，但係身邊有朋友好驚狗（細個俾狗咬過後遺症），所以如果狗友善餐廳OK嘅，但係希望劃分一個區域出黎，分隔返non帶狗顧客同埋帶狗顧客就very good啦。」
「我細個比狗追嘅心理陰影太大⋯⋯ 雖然知有啲狗好溫馴，我怕狗嘅程度真係好x大」
「餐廳分兩個zone」
「雖然好鍾意動物，但食食下有狗毛飄咗喺食物上就反感d🙂↔️」
兩小時逾2千人投票
兩小時後，黃傑龍發帖回應：「上一個post已經有接近二千人投票，比意見亦都好多。簡單嚟講，好多客人都係擔心安全及衞生問題，特別是明火的燒肉店以及有大量滾水嘅火鍋店。
我發起得呢個投票，喺我個人層面都係希望可以盡量做到，畢竟我都係養狗嘅人，但係客人嘅意見同埋安全嘅考慮更為重要，所以我哋都會小心聆聽充分考慮，因為係全新事物，喺香港冇人有經驗，所以都只能夠通過客人嘅意見去分析。
客人擔心明火以及火鍋，遇到不受控嘅寵物亂跑可能引發潛在嘅危險，雖然相關嘅情況在提供熱食嘅任何餐廳都有機會發生，但係客人嘅擔心亦不無道理。多謝大家提供寶貴嘅意見俾我參考。」
既然初步民調有逾6成回應人士贊成選個別餐廳作試點，小編就拭目以待，希望旱日可以和狗狗光顧敘福樓集團旗下餐廳。
立即追蹤《東周刊》全新WhatsApp頻道，緊貼全城熱話、突發猛料、獨家消息！
https://bit.ly/4gnvlZf
