發佈時間：19:03 2025-07-10
你相信愛能創造奇蹟嗎？今日東周網《與寵同行》「緣來是你」感人領養故事大徵集的主角，便是一隻在前主人家飽欺凌、被忽視的小貓被拯救的故事。
家中已經有三隻貓的Jennifer，生活都算穩定。有一晚，朋友突然問她：「你有冇興趣再接多一隻貓？」Jennifer以為對方在街上執到流浪貓，問清楚後，才知道是另隻極待援手的可憐貓。
朋友向Jennifer說，認識一個人，家中有一隻貓BB成日被大貓打，日日都比貓蝦，眼仔都被打傷埋。Jennifer聽到這情況，十分心痛，很想帶走這隻被同類欺凌的幼貓，但想到家中已經有三隻貓，擔心照顧多一隻會增添壓力，同時亦考慮到家中主子如要面對一隻新貓，不知道是否能接受，如不接受，家中原居民會欺凌新成員嗎？想到這裏，有萬千個擔心的她將憂慮神情全掛在臉上，這時丈夫大膽表示支持，他說：「多一隻貓，都係多雙筷。」就是這樣，Jennifer和丈夫用了不足半小時討論細節，並決定要接走這隻受盡委屈的小生命。
沒有名字的小貓
翌日，Jennifer到前主人家接了貓仔回家，看清楚牠的模樣，心中一陣痛楚。
「開頭我係無收過貓貓嘅相，只係得一條濛濛哋嘅片，入面見到佢眼濕濕，朋友話係普通發炎，冇大問題。於是我就滿心歡喜咁準備接新成員返屋企。但我唔知，自己其實就快迎接緊一場硬仗。
真正見到佢嗰一刻，我個心即刻沉咗一沉。」Jennifer說。
貓貓很瘦，眼睛嚴重發炎，耳仔十分污糟。Jennifer問前主人貓仔叫的名字，前主人支吾以對，只說貓仔叫「咪咪」。當刻Jennifer很憤怒，感覺知前主人根本沒有當貓貓是一條生命。Jennifer很心痛，立即抱起貓咪，當時貓咪全身震，Jennifer感覺到牠十分驚恐，但在驚恐下，貓咪完全沒有「喵」過一聲。Jennifer將貓咪放中籠物袋中，乘車回家途了致電獸醫診所，希望能盡快帶牠見醫生治療。幸好翌日早上獸醫有時間見牠。
瑟縮砂盤內 不敢叫 不敢睡
回到家後，Jennifer將貓咪安置在籠內，並在牠面前放下一碟貓罐肉肉，雖然貓咪當時仍處於驚恐狀態，但因為實在太肚餓，牠望了一望面前的肉肉，就開始戰戰兢兢的開始一口一口吃。吃完之後，貓咪就坐在貓籠砂盤，眼眼眯呀眯的，Jennifer覺得牠在陌生環境中未能放下警戒，所以不敢睡覺，「明明睇住佢已經眼瞓到釣緊魚，佢都只係敢坐喺貓砂盤到。完全唔敢想像佢之前究竟經歷咗啲咩。」Jennifer說。
由於翌日要帶貓貓去見獸醫，全家立即動腦筋幫牠改名，最後決定叫「希希」——即是「希望」，Jennifer希望貓貓以後都在「希望」中生活及心永遠都有「希望」。
獸醫指養得大是奇蹟
翌日希希到了診所，獸醫檢查後說，希希右眼之前受過嚴重創傷，但沒有處理，現時嚴重發炎，基本上已失去視力。如能控制發炎情況，希希就無須摘取眼球，但視力無法挽回。除眼睛問題之外，希希有肺炎，聽診時聽到有好多痰，肺功能應該好差，估計已生去三分二肺功能。
獸醫最後說：「你唔好諗醫好依隻貓住，依隻貓養得大就已經係奇蹟。」獸醫補充指貓貓就算能養得大，之後會有很多後遺症，叮囑她考慮清楚，並苦口婆心地說，，不要給自己壓力，照顧牠並不容易，就算放棄都好合情合理。
聽了獸醫的一番話，Jennifer在回家的路上緊緊抱住希希，腦內不斷重播醫生說的每一句說話。
「如果連我都唔要佢，仲有邊個會肯要呢隻養唔大嘅貓？比返前主人？咁同判佢死刑冇分別。搵人領養？有邊個會想領養一隻又盲又多病嘅貓仔？我諗咗好耐，都喊咗好耐，最後覺得可能真係命運要我遇到佢。如果我一開始知道佢情況咁差，我唔會有勇氣接佢返嚟，但偏偏就係畀我接咗，咁我就要對佢負責，唔可以反悔。」Jennifer說。
200%愛為希希創造奇蹟
之後Jennifer費盡心思努力照顧希希，給牠200%愛，包括最好的營養，聽從獸醫指示覆診。而慶幸家中原居民貓主子對於這位瘦弱、肺功能差兼失明的弟弟很接納，不但沒有欺負而且愛護有加，希希能健康成長。
Jennifer說：「依家嘅希希一歲半，已經唔係當初嗰隻瘦弱又無助嘅貓貓。佢會喺屋企跑嚟跑去、會搵哥哥打交、會搵我畀零食佢，仲識得自己喺玩具箱揀自己鐘意嘅魚魚出嚟玩。雖然我未必比到最好嘅嘢佢，但我會盡力令佢快樂。
佢叫希希，佢係一隻有屋企，被深深愛鍚住嘅貓貓。」
