鬼月生肖預警 虎、猴、豬注意！極易破相血光 唐碧霞師傅教你主動破局
農曆七月係傳統上陰氣最重嘅月份，因為當中有「中元節」。傳統上代表鬼門關大開，所以好多事情都要特別注意同小心。建議大家可以佩戴自己生肖相合嘅吉祥物。如果想請開光風水用品或者睇風水，可以上我哋網站查詢。
禁忌一：衣著忌鮮艷與過於暴露
太多朋友問到農曆七月穿衣嘅問題。農曆七月期間，我不建議大家（特別係女士）穿得太過鮮艷（例如大紅色）或者過於性感暴露。因為鮮艷同性感嘅衣服喺呢個月份好容易引來唔好嘅事情。如果因為工作需要一定要穿紅色，我通常會加上外套或者配件遮蓋。至於粉紅色、紫色、灰色等，問題不大。
禁忌二：切勿拍人頭頂／遮擋額頭（保護三把火）
人有「三把火」，頭頂同左右兩邊肩膀各有一把。去到農曆七月，切忌隨便拍人頭頂。額頭代表運勢，特別係對於喜歡投資理財嘅人，拍頭頂會影響運勢。另外，額頭最好要露出來，特別係 30 歲以下嘅年輕人，唔好用瀏海遮住額頭，額頭光亮代表運程光明。
禁忌三：子時（夜間 11 點至 1 點）切勿玩夜水
農曆七月大概係國曆 8 月左右，天氣炎熱很多人想玩水。玩水可以，但切記不能「玩夜水」。所謂「子時」即係晚上 11 點至凌晨 1 點，呢個時段係陰陽交界之時，陰氣最重。如果去玩水，請務必喺晚上 11 點前離開水面。加上 2026 年（丙午年）係火旺之年，天災與水火之災較多，大家更要特別小心水上安全。
禁忌四：環境與衣物忌濕氣過重
有人問衣服或者環境問題，屋內或者衣服切忌長期過濕，因為濕氣重代表陰氣重。農曆七月衣服洗完要及時乾透，多用抽濕機，或者多曬太陽增加陽氣。另外，切忌讓雨水（淋雨/陰水）濕身，要保持乾爽。
特別注意生肖一：虎
屬虎嘅朋友去到呢個農曆七月係「寅申相衝」嘅月份，非常容易有手腳受傷或交通意外。屬虎嘅朋友要盡量避免高風險活動（如玩水），可以佩戴大勢至菩薩或開光飾物化解，亦可以透過主動洗牙、抽血來應驗破相血光。
特別注意生肖二：猴
屬猴嘅朋友今年犯太歲，去到呢個月份同樣係相衝相刑嘅月份，容易有是非煩惱、破相受傷，呢個月辦事要特別小心。
特別注意生肖三：豬
屬豬嘅朋友雖然今年整體運勢不錯，但呢個月係「害太歲」的月份。屬豬本身屬水，去到水重嘅月份容易情緒低落、陰氣較重。建議屬豬嘅朋友多曬太陽、露出額頭以提升陽氣。
特別注意生肖四與五：馬、鼠
屬馬同屬鼠嘅朋友本身今年就係犯太歲嘅生肖，喺呢個陰氣較重嘅月份同樣要特別留心。避免深夜外出、玩水，多接觸陽光、保持正能量。
