「鬼王」潘紹聰2026 萬聖節必睇 舞台劇《鬼到盡頭》西九戲曲中心上演 爆料搶先睇
自2023 年《死鬼老婆》、2024 年《一樓一會》，到 2025 年《請勿打擾》，潘紹聰（Edmond）主辦「哈囉喂劇場」已經成為香港人萬聖節嘅每年指定動作！今年 2026 年，第四季《鬼到盡頭》終於揭開神秘面紗——而且今次仲要「玩大佢」，直接搬去西九文化區戲曲中心大劇院隆重公演！
故事簡介：如果隻鬼係來自「未來」……？
今次《鬼到盡頭》由著名金牌編劇龍文康執筆、朱栢謙與張志敏聯合執導，以香港人最熟悉嘅「校園」做背景，但劇情完全打破傳統鬼片套路！
故事講述一所因為招生不足、隨時面臨「殺校」嘅殘破中學，全校只剩番幾名師生死守。點知突然出現咗位自稱昔日舊生嘅女幽靈，聲稱自己生前白活一場，要重過錯失嘅校園青春！女鬼嘅出現，無意間將學校推上「鬧鬼殺校」嘅輿論風口……
當師生們為了拯救學校，決定展開一場「跨界別」對抗嗰陣，佢哋先震驚咁發現：呢名女鬼嘅死亡日期，居然係來自「尚未發生嘅未來」？！ 究竟她身上隱藏住咩真相？學校同所有師生嘅命運，會唔會一齊「鬼到盡頭」？光係聽個 Premise 已經覺得又驚悚又感人！
神級卡司造型直擊！暗黑 Miss x 光頭校長 x 校園大亂鬥
今次陣容可以話係歷年最豪華！早前劇組拍攝造型照，簡直驚喜連連：
郭羡妮（Sonija）——「暗黑 Miss」令人眼前一亮！
Sonija 今次一身黑裙配上超深色唇妝，造型超級吸睛！佢自爆好滿意呢個造型：「我好鍾意！一直以來我好少化呢類形嘅妝，好似愛登士家庭（The Addams Family）咁，覺得自己好鬼妹～」拍攝當日仲適逢 Sonija 農曆生日，Edmond 仲送上鮮花蛋糕，場面超溫暖！
潘紹聰（Edmond）—— 升呢做「光頭校長」！
Edmond 今次以一身淺色三件頭西裝登場，佢笑言呢身造型誇張到可以用嚟結婚！場地大咗，Edmond 仲信心十足咁話：「舞台上嘅驚嚇度亦會放大，今次唔止睇劇咁簡單！」
ANSONBEAN x Day@COLLAR x 談善言 —— 校園驚喜組合！
ANSONBEAN（陳毅燊）：首度演舞台劇嘅 ANSONBEAN 興奮表示萬聖節係佢最愛：「過往我都會戴面具去嚇吓朋友，今次可以攞正牌喺台上嚇人！」
Day@COLLAR（許軼）：平時有聽《恐怖在線》嘅 Day 亦係第一次演舞台劇，雖然聽鬼故會驚，但佢甜笑表示：「我覺得大部份嘅鬼都係善良嘅～」
談善言：阿談今次挑戰喜劇＋靈異元素，換上超 Oversize 嘅冷衫校服，笑言回想起中學時代：「以前幾熱都要著冷衫遮住白色校裙，今次又驚又刺激！」
麥東與演藝同班同學——「四蟲」大合體！
連續第四年參演嘅麥沛東（麥東），今次同演藝學院同班同學梁嘉進（Eric）、陳嘉威（Donald）以及歐芷菲（Sofei）同台！麥東笑言：「如果剃咗鬚演十幾歲學生我冇問題㗎，導演可以考慮吓！」同班同學默契十足，肯定擦出超強火花！
《鬼到盡頭》演出及購票資訊
演出日期：2026 年 10 月 30、31 日 及 11 月 1、3、4、5 日（晚上 8:00）
演出地點：尖沙咀西九文化區戲曲中心大劇院
票價：
$1288（「留心聽書」前座：較佳觀賞位置 ＋ 獲贈特選紀念品！）
$788（堂座） / $588（樓座） / $388（樓座）
(每張門票另收 $42 手續費)
購票平台：Klook 獨家熱賣中！
今年萬聖節，唔好再只係去蘭桂坊擠人啦！不如約埋三五知己，一齊去西九戲曲中心感受這場有笑、有淚、有驚嚇嘅校園最後一課！門票數量有限，手快有手慢無！
