《玄戰》面試震撼開箱 玄學競賽節目怪傑大鬥法
無綫玄學競賽節目《玄戰》，招募名單同首輪面試過程，就似《X-Men》或者《 Limitless 》真人版！
唔係問「今年你犯太歲」、「宜戴金飾」嗰種風水電視節目，呢個係真‧玄學界大亂鬥！
提前劇透一、「北宋丞相後人」神級感應：三粒骰一睇即中？！
最誇張絕對係自稱「北宋丞相呂夷簡第33代後人」位阿哥。幕後工作人員即場搖三粒骰，樽口冚住完全冇得穿幫。結果呢位後人一開口，直接講中三粒骰點數！
陳懿德現場直接震驚到「成個彈起」，瘋狂喪嗌：「嘩！好勁呀！好癲呀！」
如果真係咁準，六合彩啲號碼係咪可以順便感應埋？
提前劇透二、「高感界代表」透視親人：幕後嚇到當場爆粗
另一位玩「高感（超感官知覺）」女性參賽者，幕後人員抱住「試下你水準」嘅心態問：「我最近有咩屋企人過咗身？」
結果佢連諗都唔洗諗，直接秒答：「舅父。」
全場即刻寂靜，該名幕後工作人員目瞪口呆，直接震撼到兩度爆粗。硬實力，真係唔到你唔信！
提前劇透三、Jenny 獲封「偏財運之女」：全場等食大餐
除了呢啲高能場面，現場仲有高手幫主持甄敏芳（Jenny）睇相，話佢近期偏財運極旺。Jenny 聽完都好識做，即刻笑言要買多啲六合彩，等中獎請全場食飯。
玄界高手注意！報名倒數計時！
成個面試陣容有齊「靈魂翻譯師」、「問米家族」、「奇門遁甲」、「紫微斗數」，簡直係多元宇宙大碰撞。最後終極勝出者可以奪得「一代先知」嘅殊榮！
主持陣容：洪永城、陳懿德、甄敏芳（Jenny）
玄學顧問：陳定幫師父
最Hit
更多文章
