龍年將至，人人都要關注健康。區仲德師傅就同大家講解下牛、虎、兔生肖運程。 

肖牛運程 屬於刑和年明得暗失

肖牛朋友於2024年屬於刑和年，即係運程表面上會係明得暗失，得到『天德』同埋『福星』吉星高照，正所謂『天福互照 吉事齊來』，從正途方面發展，將會獲得唔錯收益。事業方面受到『陰煞』、『卷舌』凶星影響，人際關係特別差，容易受女性連累，令您事業上惹來是是非非，帶來唔少煩惱，好在有顆『福德』吉星關照住，於需要的時候都會有一些貴人出現，幫助您將些煩惱全部解決曬！

財運方面得到『天德』貴人星的拱照，令您求取正財頗為理想。至於偏財運方面就較為反覆，慎防『絞煞』煩惱星的纏繞而令您破財。

桃花運方面得到『福星』拱照，喜事重重，有情人可以終成眷屬，但要小心『寡宿』『卷舌』星影響，提防受到三角關係的糾纏令您困惱不安。

健康方面，肖牛朋友受到『的煞』、『破碎』兇星的影響，要特別小心身體容易遭受損傷，不宜去人多聚集的公眾地方，留意車船之險，慎防血光之災，能夠捐血、洗牙作化解就最好不過。雖然肖牛朋友於2024年，似乎運程明得暗失，病痛同埋是非多多，但並唔係冇化解方法，留意2024年是非星於屋企的正中央位置，忌青、綠色擺放，千祈唔好於屋中間種植樹木花草之類，擺一個『化病能量葫蘆』於東南方可減弱病氣，再袋埋個『福德貴神能量金牌』於身邊的話，健康同財運會好得多。 

肖虎運程 得到『驛馬』 星扶助

肖虎朋友於2024年屬於會合年，運程會漸漸向好，得到『驛馬』 星扶助，正所謂『驛馬吉神 忙碌得財』，於2024年各位虎仔虎女會有遠行，外地發展，搵錢的好機會。

事業方面，有一顆『陽貴』吉星高照住，令大家的進取好運勢大大提升，故此今年您會有較佳的發展。財運方面，小心『天狗』凶星入侵，有小破財機會，故此除原有日常開支外，還會令大家多了其他額外花費。

桃花運方面，由於『天哭』凶星入侵，您與伴侶間不宜有任何錢銀瓜葛，以免吵鬧收場。至於未有戀愛對象的人仕，有機會從遠洋朋友聚會中搵到合適的對象。健康方面，肖虎朋友受到吊客、天狗兇星攻擊，小心血光之災！

留意心血嘅痛症或者喉嚨呼吸系統的疾病，最重要是保持身心開朗。雖然肖虎朋友於2024年，投資運似乎不夠順利，經常勞而無功，可以用以下布局來化解，2024年病符星於屋企的東南方，放一個化病能量銅葫蘆吸走病氣，病痛就會減少，此外袋多個貴人、財神能量金牌於身邊，來確保安康，自然求財的運氣就會好番曬。

 肖兔運程 『陌越』吉星照護

肖兔朋友於2024年屬於迎合年份，有顆『陌越』吉星照護住，所謂『陌越迎合 步步向前』，故此於2024年各位兔仔兔女的運程感覺到比往年特別暢順得多！

事業方面，肖兔朋友得到『陰貴』吉星拱照，霉氣盡去，工作上有發展的好機會，當心事業進步之餘，卻受到『六害』凶星負面影響，小人特別多，令同事間對您作出對立，您必需主動與佢地作出協調，減少不必要的糾紛。

財運方面，因為『卒暴』凶星的出現，事業雖好，偏財運勢就被困，起起落落，正財運會十分好。桃花運方面，會受到『陰貴』吉星帶動下，單身兔仔兔女會從朋友介紹中認識到心儀合適對象，但仍需慎防第三者介入招惹無謂爭端。

健康方面，因受到『病符』凶星入侵，容易發生小意外 患病的機會大大增加。雖然肖兔朋友於2024年，似乎運勢欠佳，意外重重，壓力又大，可以作以下布局來化解，2024年的是非位於屋企中間位置，改用紅色系列來佈置，最理想就係加埋一個化是非葫蘆。

另外，桃花位於正東方，肖兔朋友可以擺放黃色鮮花同埋配帶一個月老金牌，愛情就會更加甜甜蜜蜜啦！