龍年將至，人人都要關注健康。區仲德師傅就同大家講解下羊、猴、雞生肖運程。

肖羊運程 貫索傷人 刑傷難免

肖羊的朋友於2024年屬於相破年，即暗破太歲有麻煩，由於『貫索星』入侵，正所謂『貫索傷人 刑傷難免』，所以2024年羊仔羊女應該會覺得口舌是非特別嚴重，患病機會亦大增。事業方面受到『勾神』凶煞星的侵害，令您與親友間容易產生不和，情緒變化不定，好在有顆『太陰』吉星關照住，您處事態度能心平氣和，凡事以和為貴的話，自然可以令事業同埋權力步步高升，取得突破性發展。財運方面，因為有粒『太陰』吉星入命，容易賺取女性錢財。

桃花運方面由於『天煞』凶星攻擊『太陰』吉星原故，您身邊伴侶會突然脾氣轉差，情緒不穩，經常產生爭拗不和，令您心神不定，從而大喊一場！

健康方面因為『勾神』『歲煞』兇星出現，要特別小心容易被金屬器械所傷，提防車船失跌之危或遭受病疾纏擾，故此搭車、搭船都要小心留意以策安全。

雖然肖羊朋友於2024年，似乎事業、投資運勢反反覆覆，阻礙重重，但並唔係冇化解方法，2024年的喜財位於屋的西南方，可以放一個招財寶箱招納喜慶財氣，東南方放個化病葫蘆，正西方放個化災葫蘆，病痛就會好番晒，意外亦會減少咗，再袋埋個偏財神金牌於身邊，話唔定，會中埋六合彩頭二、三獎。 

肖猴運程 三合穩定年 運勢漸漸向好

肖猴朋友於2024年屬於三合穩定年，運勢漸漸向好，奈何受到五鬼凶星侵害，正所謂『五鬼拍門 損財失意』，各位猴仔猴女應該會覺得小人是非特別多，損耗錢財的情況不停出現應多加留意。事業方面有『三台』吉星拱照，對打工仔而言是可喜可賀的年頭，能夠加倍努力，事業可以更上一層樓。

但於事業進步之餘，小心因為受『指背』凶星影響，小人特別多，與同事間相處明顯較往年差，若能主動作出協調，減少紛爭就最好不過。財運方面，肖猴朋友得到三台、陽貴吉星照護住，賺錢機會比往年更加順利，投資亦有微利。由於受到『官符』凶星影響，理財要謹慎留意投資買賣上，容易蒙受損失，桃花運方面受到『五鬼』凶星影響，容易惹上桃花劫，故要小心處理感情上變化，防是非紛爭，最好閒事莫理。

健康方面因為受到『地煞』、『披麻』兩顆兇星侵害，所以要留意人事鬥爭，與及疾病纏繞，慎防受到病毒感染，病痛亦會特別多，要保重身體。今年肖猴朋友最好避免去探病、問喪，雖然肖猴朋友於2024年似乎投資運勢，財來財去，爭拗亦多，但並唔係冇化解，同埋增旺的方法，2024年喜財位於西南面，放一個喜慶財寶箱，再於屋中間放一個化是非葫蘆，減少無謂是非爭拗，配帶多一個 喜慶財神金牌於身邊，財富收入自然大大提升。

 肖雞運程 屬於刑合年表面吉利

肖雞朋友於2024年屬於刑合年，意謂表面吉利但暗藏煩惱之年，由於『小耗』凶星入侵，正所謂『耗神侵犯 煩惱自尋』，2024年各位雞仔雞女會覺得人際關係欠佳， 帶比自己唔少麻煩，事業上發展極為阻滯，感覺沉悶。事業方面，因為受到『死符』星影響，令您處事方式同埋立場，同朋友間出現唔少吵吵鬧鬧場面，幸好有粒『月德』貴神星關照住，從正途發展，算是：『多勞多得』，獲得唔錯收益。

財運方面因受到『年煞』凶星的影響，病患機會較多，令您在醫療開支上有所增加，偏財方面由於『小耗』星入侵原故，千祈唔可以借錢比人，就可以避到一劫。桃花運方面，肖雞朋友受到咸池星影響，出現不少感情上困擾，小心惹上桃花劫。

健康方面受到『死符』、『年煞』兇星入侵，好容易犯上車船之險，甚至跌傷弄損意外，總之要小心，不要心急。雖然肖雞朋友於2024年阻滯重重，明得暗失，但可以用以下布局來化解，2024年神災星於屋的正西方，擺個化災銅葫蘆來化解，如果感覺桃花太旺，可以放個『和合二仙』於正東方桃花位，加埋放一個和合金牌在身邊，愛情就更加和順。