更新時間：14:28 2024-10-04
發佈時間：14:28 2024-10-04
發佈時間：14:28 2024-10-04
身兼節目主持及歌手的瑪姬（Maggie），疫情期間經常在網上開Live唱歌，一展歌喉吸納大批粉絲，去年底還在旺角麥花臣場館舉行了首個處女音樂會，外間還讚她是被主持工作耽誤了的歌手。原定今年9月30日，瑪姬重踏麥花臣場館的台板，舉行《瑪姬給女王的盛宴慈善演唱會2024》，但在開騷前一星期，主辦單位突然發聲明宣布延期，並表示將為所有已購票的粉絲及觀眾安排退款。事出突然，據幕後人員爆料，指8月瑪姬為個唱開記招時，開心地跟嘉賓黃建東、工作團隊和贊助商合照，惜有人彈弓手，開完記招威威後，唔講信用，臨時閂水喉唔科水，因而令個唱煞停。
對於籌備了3個月的演唱會突然取消，瑪姬表示感到無奈：「我係9月頭收到製作公司通知要延期，主辦單位同製作公司出現咗啲狀況，至於取消原因就唔清楚，我只好配合。」問到有否失望？她說：「失望就無嘅，只係對好多個單位都覺得非常之唔好意思。因為海報下方嘅贊助商全部都係我支持我嘅朋友，當知道要延期，我一打電話去say sorry同埋解釋，佢哋仲調返轉頭安慰我，話下次再開演唱會會繼續撐我，叫我唔使擔心，真係令我好感動。」此外，她亦表示對光哥（尹光）和黃建東兩位嘉賓感到十分抱歉，期望明年中有機會再開。
最Hit
