發佈時間：16:55 2024-08-09
「全港創意公關大賽2024」日前舉辦第2次工作坊「與電影大師面對面交流」，並邀請到三位嘉賓包括今屆香港電影金像獎「最佳電影」《毒舌大狀》的導演吳煒倫出席，與一眾有志投身公關行業的年輕人分享創作心得和經驗。他笑言導演唔係大晒，有次《毒》片中有場戲寫得未夠好，結果該戲主角黃子華提議由他去寫，最後吳導也採用他的版本，出來的效果亦非常好，可見解決問題也需要創意。
由全港創意公關大賽籌委會及香港創意公關協會（非牟利）主辦的「全港創意公關大賽2024」，正進行得如火如荼。為鼓勵年輕一代發揮創意、裝備自己，迎接未來的挑戰，大賽以「公關智庫」為主題，舉辦「與電影大師面對面交流」工作坊，並邀請到《毒舌大狀》導演吳煒倫、籌委會召集人兼大灣區扶輪社社長李彥儀（Babie），以及VPLUS STUDIO共同創辦人郭至堯，與一眾年輕人分享創作心得及業界經驗，吸引了不少來自各大專院校和中學的學生參與。
細節決定成敗
吳煒倫導演分享拍攝心得時強調：「導演唔係大晒，只係一個做決定嘅人，同時係需要承擔責任嘅人。」他認為一部成功的作品，往往取決於每個崗位的用心和專業。由場地清潔、道具擺放到後期製作，每個環節都環環相扣，絕不能馬虎，他說：「唔好睇少每一個好似好低級、好卑微嘅位置，其實都好重要！」李彥儀則鼓勵同學們要細心觀察、易地而處，思考每個細節背後的意義，才能成為成功的公關。
團隊合作重要
談到團隊合作，吳煒倫導演認為，挑選合適的人擔當合適的崗位至關重要，因解決問題也需要創意，他續說：「我以《毒舌大狀》一場戲為例，黃子華同林保怡喺一個球場拍攝，其實最初拍嗰場戲係喺黃子華辦公室嘅天台，拍完出嚟先覺得唔夠好睇，點解決呢？而補拍嘅時候亦一波三折，因為我寫嗰場戲畀子華睇咗，佢話『我知你想講乜，你介唔介意我寫一次？』我當然唔介意，因為佢都係編劇出身，我當然信任佢，結果嗰場戲我用咗佢寫嘅版本。」
享受創作過程
談到比賽和獎項，吳導鼓勵同學們說：「唔好為咗攞獎而去做事，最重要係享受創作嘅過程。我經常覺得我自己做電影，面對金像獎入圍當係入遊樂場，你有提名就攞住遊樂場嘅入場券入去玩吓，攞唔到你都要做，攞到又唔代表你下一部戲一定得。」他認為，獎項只是一個肯定，更重要是在過程中學習和成長，不斷突破自我。
珍惜比賽機會
李彥儀續稱：「獎項雖然係一個好好嘅鼓勵，亦可以幫你創造機會，但唔攞獎唔代表你冇機會。」她鼓勵同學們珍惜比賽機會，從中學習，發掘潛能，為將來做好準備，「我哋搭建呢個平台都係希望參加者能夠喺比賽中學習成長、如何解難，同時建立網絡、打好根基 。」
每年大賽均會在不同組別選出金銀銅獎、以及品牌大獎、明日公關等獎項，授予最佳隊伍及個人參賽者；得獎者更能獲得豐富獎金、獎品，以及工作機會和海外交流機會等。「全港創意公關大賽2024」將於9月14日在生產力局舉行決賽，屆時各參賽隊伍將展示比賽成果，爭取各項大獎和獎學金，拭目以待！
