更新時間：11:00 2026-11-07
發佈時間：11:00 2026-11-07
發佈時間：11:00 2026-11-07
今年41歲的唐嘉麟（KT），曾經做過售貨員、律師樓跑腿、客戶服務接線生，又搞過小生意，但一直憧憬在演藝界發展。2009年，他經MC Jin（歐陽靖）帶入樂壇做rapper，3年後加入無綫，並由低做起。近年，他擔綱的角色越來越重戲份；另前年底，他還有機會，在《中年好聲音3》總決賽，用rap逐一介紹最後7強，為賽事揭開序幕，令觀眾知道他原來多才多藝。
戴金色勞現身宣傳活動
在剛播畢的《死有對証》中，飾演法醫小隊劏手的KT，日前在宣傳活動上就大曬一身潮爆造型，不單止戴上閃爆鑽石耳環及鼻環，左手還戴上一枚金色的勞力士地通拿手錶，當他接受瑜伽挑戰時，手和腳的紋身盡現，十分搶鏡！事後，他對東姑笑言︰「我都幾肯定全TVB最多紋身嘅一定係我，我又鍾意hip hop嘅打扮穿金戴銀，但啲飾物都係包金，唔易甩色，同埋唔敏感，唔貴嘅，幾百蚊。至於啲紋身，我喜歡Chicano（黑灰墨西哥風格），一見手腳有位就會紋，其實我都想紋埋頭同頸，但未行動，因為拍嘢會唔方便。 」
強調行頭最緊要
打扮獨特的KT，強調行頭最緊要：「隻勞係我自己買，最緊要有得『撈』嘛，希望可以畀更多人認識到，KT可以做主持、拍劇、唱rap、唱歌都得。」近來，他還踩入電台，聯同范振鋒和崔建邦為新城主持節目《大風吹》，搵食的瓣數越來越多，始終近年影視業低迷，一定要識得自尋「錢」途嘞嘛。
延伸內容 : 唐嘉麟《死有對証》當法醫劏手 自覺演反派仲好玩 新戲演同性戀者
延伸內容︰死有對証│韋家雄演活「毒舌老油條」高級法醫 大爆拍攝辛酸 險中暑 解剖臭味難頂
延伸內容︰死有對証｜黃嘉雯神級變臉 嚇窒觀眾 演技升呢成熱討！
最Hit
